Ksavi u thur elozhe prurjeve të reja të merkatos, Kancelos dhe Zhao Feliksit

Barcelona synon të mbrojë titullin kampion në Spanjë këtë sezon, por jo vetëm kaq, ambiciet e klubit janë të fitojë edhe Champions League, pasi ka bërë përforcime të shumta dhe ka ambicie në disa drejtime. Por vështirësitë qëndrojnë, pasi ende në Spanjë është Reali i Madridit një skuadër favorite në çdo kompeticion ku merr pjesë. Ndërkohë, klubi ka bërë blerje të fuqishme në merkaton e verës dhe shpreson të jetë protagonist më cilësor në La Liga dhe në Europë e për këtë ka folur edhe trajneri Ksavi Hernandez. Tekniku i Barcelonës, ka lavdëruar duke i quajtur “transferime të mëdha” dy prurjet e reja si të huazuar të Barcelona, Zhao Kancelo dhe Zhao Feliks, pasi që të dy debutantët shënuan kundër Real Betisit në kampionatin spanjoll. Dyshja portugeze kanë bërë debutimin e tyre të parë në shtëpi për Barçën derisa e kanë nisur me këmbë të mbarë duke fituar me rezultat 5-0 të shtunën në mbrëmje. Derisa Kancelo luajti në vendin e tij të preferuar, krahun e djathtë, Feliks luajti më shumë në të majtin. Feliks shënoi golin e parë për “Blaugranën” në minutën e 25-të, derisa bashkëkombësi i tij shënoi 9 minuta para se të përfundoi ndeshja. Ksavi është i kënaqur me paraqitjen e të dy të huazuarve dhe i ka lavdëruar ata për “kualitetin individual” që e kanë treguar në Atletiko Madrid, respektivisht Mançester Siti. “Ne po flasim për dy futbollistë, kualitetet individuale te të cilëve nuk vihen në dyshim. I shkoni ata duke u stërvitur dhe aty shikoni madhështinë e tyre”, tha menaxheri i Barçës pas ndeshjes. “Cancelo vjen nga një trajner (Pep Guardiola), i cili për mua është më i miri dhe ai interpreton çdo gjë shumë mirë. Ne kemi biseduar me të dhe ai e ka kuptuar këtë. Me Zhao Feliks ne shikuam një video me të mbrëmë. Ata të dy japin variante që e bëjnë skuadrën më të mirë. Fizikisht, ata janë të fortë. Ata rrisin kualitetin e skuadrës, i cili në përgjithësi e bën skuadrën shumë të mirë”, nënvizoi më tej ai. Fitorja e madhe ndaj Betisit i ka ndihmuar ata që të jenë në pozitën e parë në La Liga, duke lënë pas Real Madridin që ka një pikë më pak dhe luan sonte kundër Real Sociedadit. Barcelona tani do të mendon për ndeshjen e tyre në Ligën e Kampionëve që në këtë stinor do ta hapë kundër Rojal Antëerp, skuadër kjo ku luan sulmuesi kosovar, Arbnor Muja, futbollist që siç dihet ka spikatur me përfaqësuesen kuqezi gjatë dy ndeshjeve të fundit të Kombëtare ndaj Çekisë dhe Polonisë. Barcelona e Ksavit synon vendin e parë në grup dhe padyshim një kualifikim më tej që do të bënte të lakmonte trofeun e Ligës së Kampioneve.