Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Kualifikim dramatik i Totenhemit përballë Sitit pas një “festivali” golash, Liverpuli bën “detyrën” ndaj Portos

Postuar: 18/04/2019 - 07:17

Liga e Kampioneve mëson gjysmëfinalistët, ku Siti i Guardiolës eliminohet nga Totenhemi pas një ndeshje dramatike. Breshëri golash mund të quhet ajo që ndodhi dje në fillim të ndeshjes Mançester Siti-Totenhem. Duelin e parë midis tyre e kishte fituar skuadra e trajnerit Poçetino, me rezultatin 1-0, duke e bërë këtë duel kthimi mjaft interesant. Brenda 21 minutave të para u shënuan plot 5 gola, madje katër gola u shënuan brenda 12 minutave të para. Ishte një festival golash nga të dy kampet. Në fillim ishte Stërling që shënoi shumë shpejt për ekipin e Sitit, duke shënuar në minutën e 4-t. Por në minutën e 7-të do të dilte në skenë koreani Son Min i cili shënoi golin e barazimit e më pas i asistuar nga Eriksen shënoi edhe golin e dytë në minutën e 10-të, duke e përmbysur rezultatin në 2-1 bë favor të Totenhemit. Por festivali i golave vijoi në minutën e 11-të, por këtë herë me kah të kundërt, pasi Aguerro shënoi për Sitin dhe u barazuan shifrat në 2-2. Në minutën e 21-të ishte një aksion  i befasishëm i Sitit, i nisur nga goditja e dënimit, kiu De Bryjn zbulohet në krah dhe pason topazi në zonë në krahun tjetër të fushës, kiu gjendet Stërling, i cili vetëm me portën vetëm sa shtyn sferën në rrjetë. Ky gol përmbysi Totenhemin dhe i dha avantazhin Sitit të Guardiolës, duke bërë që pjesën e parë ta fitonte pikërisht skuadra e “qytetarëve” me rezultatin 3-2. Në pjesën e dytë Mançester Siti e nisi në mënyrë të kujdesshme dhe pak nga pak nisi të mendojë për kualifikimin. De Bryjn dhuroi sërish asist për Aguerron që shënoi golin e katërt. Një gol që vrau shpresën e Totenhemit dhe e vuri ekipin e Poçetinos në lëvizje për të kërkuar golin e radhës. Emocionet e kësaj ndeshjeje s’kanë fund dhe Llorente fut sërish në lojë Totenhemin me golin e tij në minutën e 73-të. Më pas janë minuta dramatike. Siti këmbëngul me të gjitha format dhe në minutën e 3-të shtesë gjen golin me anë të Stërling, që ngriti “në qiell” Guardiolën. Por këtij të fundit ia prishi buzëqeshjen VAR-i, që ia mohoi golin për pozicion jashtë loje. Si përfundim, fitoi Siti 4-3, por u kualifikua Totenhemi. Ndërkohë, ndeshja tjetër çerekfinale e luajtur mbrëmë, ajo mes Portos dhe Liverpulit nuk përmbante emocionet e duelit të luajtur në “Etihad”. Në Portugali Porto priti Liverpulin, në një ndeshje të zakonshme, pasi takimin e parë e kishin fituar anglezët 2-0. Në minutën e 26-të Mohamed Salah nxori një pasim ideal për Sadio Mane, i cili realizoi golin për Liverpulin, një gol që vrau përfundimisht shpresat e portugezëve për t’u kualifikuar më tej. Loja ishte e ekuilibruar, por anglezët kishin marrë kontrollin e mesfushës dhe mbroheshin me kujdes, duke mos u lënë hapësira lojtarëve të Portos. Në pjesën e dytë ishte sërish Liverpuli që dyfishoi shifrat, në minutën e 65-të Mohamed Salah dërgoi në rrjetë sferën, pas asistimit nga Arnold.  Porto reagoi më pas dhe Militao shënoi në minutën e 69-të, por Firmino shënoi sërish për Liverpulin në minutën e 77-të. Në fund, për fitoren 4-1 vendosi Van Dajk. Në gjysmëfinale do të kemio përballje mjaft interesante, ku Liverpuli do të gjejë Barcelonën, kurse Ajaksi që ka eliminuar deri tani Realin dhe Juventusin do të përplaset me Totenhemin.

Adriatik BALLA

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 26/05/2019 - 07:52

Mbrëmjen e djeshme u luajtën finalet e kupave në disa vende europiane si në Gjermani, Spanjë, Portugali apo Skoci.

Postuar: 26/05/2019 - 07:51

Goga Basket ishte surpriza e madhe e këtij sezoni në Superligën e meshkujve në basketboll, pasi m

Postuar: 26/05/2019 - 07:48

Peshëngritja vijon të jetë sport elitar dhe t’i sjellë vendit medalje të rëndësishme nga ak

Postuar: 25/05/2019 - 07:26

Juventusi dhe Interi kanë një rivalitet jo të zakonshëm në kampionatin italian, një rivalitet që

Postuar: 25/05/2019 - 07:24

Kategoria Superiore po shkon drejt fundit dhe skuadrat pop bëjnë llogaritë e tyre.

Postuar: 25/05/2019 - 07:22

Një nga futbollistët që ka ardhur me bujë në radhët e Kombëtares është padyshim Eros Grezda.

Postuar: 24/05/2019 - 23:54

Një pasion tjetër i Kristiano Ronaldos, veç futbollit është dhe ai për makinat luksoze dhe të shp