Ilir Demalia zbardh kulisat: Ju tregoj kurthin që Edi Rama po i ngre ‘Rithemelimit’, arsyet e vërteta të distancimit të grupit të Bardhit nga Lulzim Basha, panikun që ka shpërthyer brenda tyre dhe lajmet e hidhura që e presin Sali Berishën
Idajet Beqiri: Kanë mbaruar hetimet për dosjen ‘CEZ-DIA’, përveç Metës, Berishës dhe Shkëlzenit rrezikon prangat një juriste amerikane, ish-presidenti po përgatitet për ditët e zeza në SPAK, ja strategjia që po ndjek për të shpëtuar nga arresti me burg...
Rama-Meta-Berisha ulen bashkë në tryezën e pazarit për të monitoruar SPAK dhe përmbysur reformën në drejtësi, ja pse është alarmuar “Treknëdëshi i Bermudës”
Gati të fundoset grupi organizator i biznesit të armëve në Gërdec, prokurorët pritet të marrin në duar faktet nga Drejtësia Amerikane, nisen letër-porositë në SHBA, informacione do të merren edhe për Patrick Henryn, ja lidhja e tij me Delijorgjin dhe S...
Daut Gumeni: Ja pse socialistët dhe Gentiana Sula bllokuan hapjen e dosjes së spiunit të Ilir Metajt, presim që ‘shiringa me ujë deti’ që u injektoi zyrtari i lartë i DASH prokurorëve të SPAK të sjellë arrestimin e ‘peshave të rënda’
Plas skandali, Kuvendi i Shqipërisë vihet nën akuzë për votimin pa kuorum të ligjit për Investimet Strategjike, ja si u shkallmua Kushtetuta nga mazhoranca, zbardhet mashtrimi
Pasuria e dyshimtë e “sheikut” të Kuvendit Laert Duraj që sfidon “ujqërit” e vjetër në politikë, banesë 200 mijë euro, 11 llogari bankare, fitime marramendëse nga qeratë, 180 mijë euro shitje pasurish, si i ka justifikuar milionat nga puna si emigrant,...
Ja pazaret e PS dhe Rithemelimit, si po mbrojnë korrupsionin e Klodian Allajbeut dhe Vilma Nushit, vjedhjet me “Hemodializën”, “Check Up”-in, “Laboratorët” dhe “Sterilizimin” janë të faktuara, priten arrestimet nga SPAK
Kukësi poshtërohet në shtëpi nga Lushnja, Milinkoviç refuzon dorëheqjen
Shkruar nga SOT.COM.AL 10 Dhjetor 2017
Në Kukës pati një fitues në ndeshjen e djeshme Kukësi-Lushnja, por fitues ishin pikërisht miqtë lushnjarë që fituan 3-1 dhe poshtëruan kampionen në fuqi brenda në fushën e saj. Me këtë disfatë Kukësi është vetëm zyrtarisht në garë për titull, pasi praktikisht ky objektiv duket i pamundur. Nga ana tjetër ekipi i trajnerit Hysen Dedja ndez shpresat për mbijetese, pasi ngjitet në kuotën e 8 pikëve. Kukësi e nis keq takimit, pasi ndëshkohet me gol që në minutën e 12-të. Krosimi i Metos pas goditjes së lirë gjen kokën e Prençit, i cili devijon lehtë me kokë aq sa për ta dërguar topin në rrjetë. Vendasit mundohen të reagojnë menjëherë, por lushnjarëve goli u dha zemër dhe ata mbrohen me shumë forca. Rrumbullaku nga distanca dhe Bakaj që nuk arrin të devijojë drejt portës pasimin e Gurit shkaktojnë panik në zonën e Lushnjës, por rezultati nuk ndryshon më gjatë 45 minutave të para. Vetëm 2 minuta lojë iu nevojit Kukësit në pjesën e dytë për të gjetur golin e barazimit. Pas një kombinimi të bukur mes Gurit dhe Rrumbullakut, mbrojtësi pason saktë në qendër për Bakajn që nuk fal, 1-1. Ndërkohë që futbollistët e Kukësit po ngulmonin për golin e dytë, Fatjon Sefa befason vendasit duke kthyer në avantazh Lushnjën me një goditje jo shumë të fortë, por të zgjuar, në rrëzim e sipër, thuajse në vijën e 16 metrave. E pabesueshmja ndodhi në minutën e 82-të kur pas një mosmarrëveshjeje mes Shametit dhe Hoxhës, Sefa e dërgon topin në rrjetë për golin e 1-3. Kukësi, i demoralizuar nga ky rezultat i papritur, nuk gjeti forca për ta kthyer rezultatin. Kjo humbje pritet të pasohet edhe me largimin e trajnerit Mladen Milinkoviç, i cili nuk e ka më grupin nën kontroll për ta kthyer skuadrën në nivelet më të larta.
Milinkoviç dorëhiqet,vendimi në dorë të Gjicit
Mladen Milinkoviç hezitoi të japë dorëheqjen pas humbjes ndaj Lushnjës, që edhe ai vetë e quan të turpshme. Sipas tij, është e papranueshme që skuadra të bëjë gabime kaq amatore në mbrojtje. “Besoj që sot lojtarët u përpoqëm, por bëmë gabime amatore, këtë nuk e kuptoj. Sigurisht që mund të dalim nga kjo situatë. E kam marrë vendimin tim, por do të flas me presidentin. Për mua kjo humbje është e turpshme. Nuk besoj se më ka tradhtuar njeri, thjesht jam i zhgënjyer me rezultatin. Kur humbet, ka shumë shkaqe. Sot tre golat që pësuam i patë vetë, s’është nevoja t’i komentojmë”, theksoi trajneri serb i Kukësit. Por e e ndjen Milinkoviç të vijojë me një grup që nuk po u përgjigjet kërkesave të tij? “E përsëris, unë e kam marrë vendimin tim, shpresoj që edhe presidenti të veprojë në të mirën e ekipit”, shtoi Milinkoviç.
Flamurtari mund 2-0 Vllazninë dhe merr vendin e dytë
Flamurtari është rikthyer te fitorja, duke mposhtur Vllazninë në Vlorë, me rezultatin 2-0. Në një takim të luajtur në kushte mjaft të vështira atmosferike, me reshje shiu dhe erë të fortë thuajse gjatë gjithë 90-minutëshit, sfida u zhbllokua nga Musta me një gol të shënuar që në minutën e 8’ të pjesës së parë. Pavarësisht reshjeve, terreni i stadiumit ‘Flamurtari’ ishte në gjendje mjaft të mirë për zhvillimin normal të takimit, por sfida nuk u ngjit asnjëherë në lartësinë e pritur. Flamurtari u detyrua të bëjë edhe një ndërrim të shpejtë, pas dëmtimit të kapitenit Tomislav Bushiç që në pjesën e parë, ndërsa Vllaznia ndonëse krijoi volum, nuk arriti të rrezikojë seriozisht portën e vlonjatëve. Në minutat e fundit të sfidës, ishte Kamara që shfrytëzoi një dalje të gabuar të portierit shkodran Sherri dhe pas një rrëmuje, dërgoi topin në rrjetë duke vulosur fitoren 2-0. Pas kësaj fitoreje Flamurtari ngjitet përkohësisht në vendin e dytë, me 25 pikë, 2 më tepër se Kamza e vendit të tretë, që do të zbresë në fushë nesër. Nga ana tjetër, Vllaznia e Gjokës pëson humbjen e dytë radhazi dhe mbetet në zonën e rrezikut, veçanërisht pas fitores edhe të Lushnjës në ditën e sotme.
Ndeshjet, java 14
Të shtunën
Kukësi-Lushnja 1-3
Flamurtari-Vllaznia 2-0
Të dielën
Kamza-Luftëtari
Laçi-Skënderbeu
Partizani-Teuta
Renditja
Skënderbeu 31
Flamurtari 25
Kamza 23
Kukësi 22
Partizani 18
Laçi 18
Teuta 14
Vllaznia 12
Luftëtari 10
Lushnja 8
Adriatik BALLA