Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Kukësi “ngroh” trajnerin Gjoka dhe lojtarët: Ky ekip do të luajë në Europa League

Postuar: 24/05/2019 - 07:16

Kukësi po përjeton orë ankthi në prag të duelit me Partizanin, ndeshje që zhvillohet në kryeqytet ditën e dielë. Është dueli i parafundit i kampionatit dhe kuksianët duan të sigurojnë një nga tri vendet e para që i japin mundësinë e sigurimit të pjesëmarrjes në Ligën e Europës, pa e lënë këtë objektiv për në sekondën e fundit në Kupën e Shqipërisë, ku në finale përballet me Tiranën. Por ndërsa skuadra përgatitet për sfidën me “demat”, ndodhin dy zhvillime interesante dhe të kundërta në kampin verilindor. Së pari është njoftimi i klubit për mbështetjen ndaj trajnerit dhe grupit, e pak më vonë, dje pasdite, u mësua se është shkarkuar pjesëtari i stafit Rrahman Hallaçi. “Kukësi nuk do të ketë ndryshime në stol, ndërsa lajmet e përhapura për largimin e mundshëm të Ernest Gjokës dhe zëvendësimin e tij me një trajner që aktualisht është në krye të një tjetër skuadre të Superiores janë të pavërteta”, ky është pak a shumë qëndrimi zyrtar i klubit verilindor, i publikuar në rrjetet sociale. Reagimi vjen pra nga klubi i Kukësit, që nëpërmjet një njoftimi për mediet siguron se futbollistët dhe stafi teknik nuk do të shpërqendrohen nga zërat mediatike, por do të bëjnë me përgjegjësi të plotë punën e tyre për arritjen e objektivave të mbetur sezonalë. “Njoftim i Klubit! FK Kukësi i konsideron të pavërteta lajmet e përhapura sot në medie, sikur në bankinë do të jetë një nga trajnerët aktualë që drejton për momentin një tjetër ekip të Superligës. Presidenti dhe klubi i kanë dhënë dhe po i japin mbështetje maksimale ekipit dhe trajnerit Ernest Gjoka, për të kapur dy objektivat, që janë: vendi i dytë në Superligë dhe fitimi i Kupës së Shqipërisë. E gjithë vëmendja është përqendruar te këto dy sfida dhe aspak në ndryshimin e stafit. Lajme të tilla, përveçse të pavërteta, synojnë të sjellin shpërqendrim te ekipi, por përvoja e lojtarëve dhe stafit bëjnë që përgjegjësia të jetë tepër e madhe. Ekipi është përqendruar maksimalisht te stërvitja dhe objektivat dhe me pas te faza përgatitore dhe përfaqësimi dinjitoz në Europë, duke ruajtur bazën e ekipit dhe stafin”. Ndërkohë, në kah të kundërt shkojnë lëvizjet e tjera dhe konfirmohet që nuk ka qetësi, pasi vendimet e këtij edicioni kanë bërë të ngrihen shumë herë pikëpyetje mbi mënyrën se si janë menaxhuar situatat kur klubi nuk ka realizuar pritshmëritë. Vendimi më i fundit i diskutueshëm për mënyrën se kur dhe si erdhi është ai i shkarkimit dhe largimit të menjëhershëm nga verilindorët i zëvendëstrajnerit Rrahman Hallaçi, ish-kapiten dhe padyshim një nga figurat më përfaqësuese të saj në këto edicione në elitën e futbollit shqiptar. Hallaçi luajti te Kukësi që nga viti 2012 deri në vitin 2017 dhe më pas u bë pjesë e stafit teknik të ekipit duke punuar përkrah trajnerëve të ndryshëm në këto dy vite. Por në mënyrë të papritur, këto ditë klubi i ka komunikuar atij shkarkimin duke larguar nga stafi aktual i cii drejtohet nga Ernest Gjoka. Nuk dihet ende nëse ky vendim është marrë pas konsultimeve me stafin aktual teknik të klubit, por pranohet se Hallaçi nuk është më pjesë e verilindorëve dhe nuk do të jetë i pranishëm as në ndeshjet e fundit të klubit për këtë sezon e as pritet që të bëhet pjesë e tij edhe në verë në pjesëmarrjen në Europë. Ky vendim shoqëron të tjerë mjaft të diskutueshëm të këtij sezoni si largimi e më pas kthimi i Musollit, konfirmimi e më pas shkarkimi brenda dy javësh i Cungut, shkarkimi për “inaktivitet në pankinë” i Ndreut apo riemërimi i Gjokës për të cilin drejtuesit e klubit nuk kishin folur me tone miqësore deri pak ditë para zyrtarizimit. Gjithçka po ndodh tek Kukësi në këto orë të fundit të kampionatit, zhvillime që mund të kenë pasoja negative për objektivat finalë që nuk janë siguruar ende.

Adriatik BALLA

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 22/09/2019 - 17:11

  Ditën e djeshme në Ligën e Dytë u luajt takimi mes Malagas dhe Albasetes, ku në fushën e blertë kundër njëri-tjetrit ishin plot tre shqiptarë.

Postuar: 22/09/2019 - 08:27

Ronaldo u tregua i saktë në veprimet sulmuese, ndërsa Juve fitoi me shifrat 2-1 një t

Postuar: 22/09/2019 - 08:25

Peshëngritja shqiptare regjistron suksesin e radhës. Ajo që pritej ndodhi realisht dhe për mirë.

Postuar: 22/09/2019 - 08:23

Futbolli shqiptar ka ulje-ngritjet e tij, arritjet por edhe problemet, ndërkohë që prezantimi në

Postuar: 21/09/2019 - 07:28

Stadiumi “San Siro” është gati për derbin e 171-të të “Madoninës”.

Postuar: 21/09/2019 - 07:26

Lojtarët shqiptarë që luajnë në kupat e Europës, po bëjnë një paraqitje me luhatje të theksuara,

Postuar: 21/09/2019 - 07:24

Trajneri i Partizanit, Franko Lerda, doli dje në konferencë shtypi dhe shpalosi objektivin e tij