Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Kukësi përballet me Partizanin, verilindorët rrezikojnë vendin e dytë dhe zonën e Europa League

Postuar: 22/05/2019 - 07:19

Kukësi dhe Partizani po bëjnë llogaritë e sezonit, por i fituar deri tani është Partizani që e ka mbyllur me sukses objektivin e tij, pasi ka siguruar matematikisht titullin kampion me fitoren e para pak ditëve në derbi me Tiranën. Edhe pse humbi ndaj Teutës dhe mund të humbasë edhe në sfidat e mbetura sepse po aktivizon të rinjtë, Partizani e ka përmbushur misionin e tij, sepse fitoi titullin pas 26 vjetësh pritjeje. Ndërkohë, Kukësi është në garë për trofe, atë të Kupës së Shqipërisë, por përballë ka Tiranën, e cila nuk është “kockë” e lehtë dhe njëlloj si Kukësi kërkion të luajë në Europë, pasi e ka këtë shans nëse fiton kupën. Nga ana tjetër, Kukësi mban aktualisht vendin e dytë, një pozicion që e siguron pjesëmarrjen në Ligën e Europës matematikisht. Por në Europë shkon edhe vendi i tretë, por kur mbeten dhe dy xhiro nga kampionati, për dy vende që sigurojnë këtë objektiv nga kampionati janë në garë pesë skuadra e konkretisht, Kukësi, Teuta, Skënderbeu, Flamurtari dhe Laçi. Nëse Kukësi nuk fiton të paktën një ndeshje, ai e ka të vështirë të sigurojë kualifikimin në Ligën e Europës. Prandaj verilindorët do të mobilizohen fuqishëm për ta mundur Partizanin në kryeqytet, qoftë për të siguruar edhe matematikisht një nga pozicionet në top-3 të renditjes së Superiores, por edhe për t’u hakmarrë ndaj Partizanit për titullin. Në fakt, në fillimin e vitit kalendarik, java parafundit ishte cilësuar si një nga më të rëndësishmet për Kukësin, që shihte tek përballja direkte me Partizanin mundësinë për të sulmuar kreun që do t’i çonte pranë titullit kampion. Realiteti është krejt ndryshe, pasi çështja e titullit është e mbyllur dhe Kukësi luan për të siguruar vendin e dytë, ndaj një kundërshtari që ka përmbushur misionin e vetë. Humbja me Skënderbeun la një shije të hidhur tek verilindorët që ndaj Partizanit nuk do të luajnë vetëm për të marrë pikët që i sigurojnë vendin e dytë, por mbi të gjitha për t’i treguar kampionëve të rinj që nuk mund të festojnë me fitore ndaj tyre titullin. Ashtu si në javët e fundit Ernest Gjoka duhet të vijojë punën me mungesat e shumta, pasi në bokse ka përfunduar fantazisti i skuadrës Eduart Rroca. Dëmtimi i pësuar nga numri 10-të në sfidën me Skënderbeun është më i rëndë dhe nuk e ka lejuar futbollistin të shfaqet në stërvitjen e skuadrës dhe vështirë që mund të rikthehet në dy javët e mbetura të kampionatit. Largimi nga infermieria për 25-vjeçarin pritet të vijë përpara finales së Kupës së Shqipërisë më 2 qershor ndaj Tiranës. Ndërkohë sezonin e ka mbyllur edhe kapiteni Ylli Shameti i cili i bashkohet në listën e të dëmtuarve Gëzim Krasniqit. Lajmi i mirë për Kukësin është rikthimi i ish-mesfushorit të kombëtares shqiptare, Valdet Rama, që ndaj Partizanit pritet të jetë i gatshëm për të dhënë kontributin e tij. Gjithashtu me grupin është kthyer në stërvitje mbrojtësi i djathtë Edis Maliqi, edhe pse 23-vjeçari nuk ka ende në këmbë minutat e duhura për tu aktivizuar si titullar. Kukësi ka potencial teknik më të mirë sesa Partizani, që lidhet me kualitetin e lojtarëve që ka në përbërje dhe përgatitjen fizike e taktike të grupit. Por kjo nuk ka mjaftuar, pasi Kukësit i mungoi qëndrueshmëria në lojë e rezultate, gjë që e shfrytëzoi Partizani që bëri një sezon fantastik, duke fituar titullin falë lojës kolektive të grupit, qëndrueshmërisë taktike në lojën mbrojtëse dhe zgjuarsisë së trajnerit Skënder Gega që krijoi një grup me besim në vetvete dhe të aftë për të triumfuar në një garë ku të gjithë ishin pretendentë e asnjëri nuk ruajti ritëm.

Adriatik BALLA

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 19/06/2019 - 07:29

Në Europë të korruptuarve u vihen prangat në duar.

Postuar: 19/06/2019 - 07:28

Tirana po shndërrohet në skuadra më e suksesshme në tregun e kësaj vere.

Postuar: 19/06/2019 - 07:26

Partizani dhe Kukësi do të kenë një short shumë të vështirë në Europë dhe do ta kenë tepër të vës

Postuar: 18/06/2019 - 16:44

Shorti i Europa Leagues u hodh në Nyon të Zvicrës sot prej orës 15:30.

Postuar: 18/06/2019 - 07:29

Françesko Toti tërhiqet nga Roma pas 30 vjetësh në shtëpi.

Postuar: 18/06/2019 - 07:27

Kombëtarja fitoi ndeshjen ndaj Moldavisë në kuadër të grupit H pë3r kualifikueset e Kampionatit E