BREAKING NEWS

“E përdorte emrin e babait tim për t’i hedhur gurë Berishës’, Erion Braçe i jep përgjigjen e fortë djalit të Remzi Hoxhës

“E përdorte emrin e babait tim për t’i hedhur gurë
x

Sport

Kuqezinjtë mbërrijnë në Kazakistan, Reja fsheh problemet me grupin, në portë konfirmohet Hoxha

Kuqezinjtë mbërrijnë në Kazakistan, Reja fsheh problemet me

Kombëtarja mbërriti dje në Kazakistan, atje ku do të zhvillojë ndeshjen e radhës në grupin e katërt të Divizionit C të Ligës së Kombeve, ndërsa më 14 tetor do të zhvendoset në Lituani për duelin e kthimit me këtë skuadër. Trajneri Edi Reja nuk e ka shprehur shqetësimin, por të gjithë në grup dhe në ambientin kuqezi e dinë që ka të bëjë me mungesat e shumta, raportet e tensionuara së fundmi me lënien jashtë të disa titullarëve që janë bërthamë e grupit. Kuptohet, nga grumbullimi i Rejës këtë herë ka shumë të rinj, që do të përpiqen të mbulojnë rolin e të “vjetërve”. Duket e vështirë, pasi mungon eksperienca dhe trajneri ka ndërtuar skuadrën duke u bazuar në gërshetimin e elementëve veteranë me elementët e rinj. Por në kuadër të dy sfidave të radhës kjo nuk do të ndodhë, pasi ka shumë mungesa titullarësh, përfshi Hysajn, Roshin, Balajn, Cikalleshin, Berishën, Strakoshën e disa të tjerë. E thënë shkurt, bërthama veterane e skuadrës mungon, por ka elementë të tjerë si Abrashi, Gjimshiti, Dermaku, bare e ndonjë tjetër që mund të japin efektin e duhur nëse skuadra funksionon në skemën e saj taktike. Por Reja nuk është i qetë dhe këtë e ka pasqyruar edhe media e shkruar sportive, që i referohet toneve të ngritura të trajnerit gjatë seancave stërvitore dhe natyrisht mungesës së elementëve të përshtatshëm për role të ndryshme në fushë. ai e kupton se mungesat mund të kenë efekt negativ këtë herë.

Skema, disa variante kundër Kazakistanit

Trajneri reja nuk e ka vendosur ende dhe madje e ka fshehur modulin taktik me të cilin do të luajë në dy sfidat e radhës, duke nisur nga kjo e nesërmja kundër Kazakistanit. Ekipi është testuar me skema të ndryshme gjatë ditëve stërvitore, nisur dhe nga mungesat e shumta që nka pasur, por edhe dëmtimin e papritur të disa elementëve. Mundet që trajneri të praktikojë 3-5-2 të zakonshëm, por nuk përjashtohet as mundësia e një 4-4-2 klasike apo dhe një 4-1-4-1 që në përgjithësi ka funksionuar me ekipin kuqezi. sgidoqoftë, do të varet nga cilësia e kundërshtarit aplikimi i skemës.

Hoxha, titullar në portë

Në kushtet kur Etrit Berisha mungon, sikurse edhe Tomas Strakosha nuk është në dispozicion për shkak të një tërheqjeje muskulore (kështu u tha në ambientet e brendshme të grupit), në portë ka shanse maksimale të luajë titullar portieri Alban Hoxha. Gardiani i Partizanit ka eksperiencë edhe në ndeshjet ndërkombëtare dhe ka mundur madje të aktivizohet në ndonjë takim me Kombëtaren, kështu që pritet ta nisë titullar, edhe pse Selmani është gjithashtu i gatshëm dhe një rival i fortë. Në aktivizimin e Hoxhës mund të luajë rol fakti se ai ka qenë vazhdimisht portieri i tretë në ekip dhe në kushtet kur mungojnë dy të parët vendi i takon pikërisht atij. Gjithsesi, është në dorën e Rejës për të aktivizuar lojtarët dhe në këtë kuadër nuk mund të përjashtohen as surprizat, jo vetëm në portë, por në të gjitha repartet e lojës.

Përgjigjet/ Bënë tamponët, asnjë kuqezi nuk është i infektuar me kovid

Kombëtarja e drejtuar nga trajneri Edi Reja u nis dje në mëngjes drejt Kazakistanit, ku do të përballet më datë 11 tetor me vendasit në kuadër të Ligës së Kombeve, teksa janë pjesë e Ligës C. Kuqezinjtë kanë marrë edhe përgjigjet e tamponëve para nisjes dhe për fat të mirë në grupin e kombëtares nuk ka rezultuar asnjë futbollist apo pjesëtar stafi i prekur nga virusi i rrezikshëm. Ndërkohë, në këtë transfertë, padyshim objektiv janë tre pikët duke qenë se të besuarit e Rejës kanë si objektiv triumfin në grupin e tyre, megjithatë nuk do jetë e lehtë duke pasur parasysh mungesat e shumta në radhët e futbollistëve. Ndërkohë, më datë 14 tetor, Shqipëria do të zhvillojë edhe ndeshjen e dytë në grup, sërish në transfertë teksa përballet me Lituaninë.