Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Kuqezinjtë, Veseli yll i Empolit, Berisha me notën më të lartë tek Atalanta

Postuar: 11/12/2018 - 07:21

Lojtarët e Kombëtares patën një javë mjaft të mirë në aspektin individual me skuadrat e tyre në ligat e ndryshme europiane, kryesisht në Greqi dhe në Itali, por edhe në Zvicër e Rumani. Spikatën mbrojtësit, por edhe sulmuesit, ndërsa portierët Strakosha dhe Berisha kanë prej muajsh e vitesh që shkëlqejnë në Itali, me skuadrat e tyre Lacio e Atalanta. Në të vërtetë, shumica e futbollistëve kuqezinj ishin protagonistë me skuadrat e tyre dhe lanë gjurmë në një mënyrë apo një tjetër. Kuptohet, vëmendja shkon tek futbollistët që janë në “radarët” e trajnerit Kristian Panuçi. Dhe ka prej atyre që janë të sprovuar, si Memushaj, Berisha, Hysaj e ndonjë tjetër, por edhe mjaft të rinj si Vrioni, Durmishaj etj, që po krijojnë profilin e lojtarëve të suksesshëm të nivelit të lartë.

Vlerësimet

Shumë prej futbollistëve kuqezinj morën minuta të plota, ndërsa pati edhe gola dhe rikthime në fushën e lojës për disa lojtarë, nga goli spektakolar i Ergys Kaçes, e deri tek performanca fantastike e Veselit dhe Berishës. Kështu, Azdren Llullaku dhe Ergys Kaçe kanë gjetur golin gjatë fundjavës, edhe pse vetëm ai i shënuar nga sulmuesi në fund ka rezultuar me peshë. 30-vjeçari ka hyrë në fushën e lojës në minutën e 79-të, kur sfida Astra-Koncordia ishte fiksuar në shifrat 2-1 dhe 9 minuta më pas shënon golin e qetësisë në duelin që përfundoi 3-1. Mesfushori korçar realizoi golin e barazimit të përkohshëm në humbjen e Panathinaikos, në transfertën ndaj OFI-t të Kretës. Në minutën e 36-të shtat-shkurtri shënon një gol jo të zakontë, pasi shfrytëzon një krosim për ta dërguar me kokë topin në rrjetë. Në serinë A janë aktivizuar pothuajse të gjithë titullarët. Elseid Hysaj ka qenë në fushë për 90 minuta në fitoren 4-0 të Napolit ndaj Frozinones, duke luajtur në krahun e djathtë të mbrojtjes. Titullar i padiskutueshëm tek Lacio, ishte edhe Thomas Strakosha, që nuk ka mundur të evitojë barazimin në shtëpi ndaj Sampdorias, që erdhi në sekondat e fundit të sfidës. Frederik Veseli konsiderohet si një nga shtyllat e mbrojtjes tek Empoli, duke qenë në fushë për 90 minuta në fitoren që toskanët morën në shtëpi ndaj Bolonjës. Ky sukses largon përkohësisht skuadrën e mbrojtësit nga zona e ftohtë e rënies. Vetë lojtari është cilësuar në median sportive italiane me peshë thelbësore në suksesin e fundit, pasi i mbuloi mjaft mirë detyrat. Ai mori notë të lartë dhe u bënë prej disa ndeshjesh që luan me minutazh të plotë, që do të thotë se Empoli ka besim në aftësitë e tij. Përfundimisht mund të thuhet se Frederik Veseli është lojtar që po rritet dhe po shndërrohet në liderin e vërtetë të Empolit. Një paraqitje e mirë edhe për Etrit Berishën që ndihmoi Atalantën në fitoren e rëndësishme ndaj Udinezes në Friuli, me rezultatin 3-1. Me këtë sukses bergamaskët i rikthehen pretendimeve për zonën europiane, ndërkohë që Berat Gjimshiti nuk ka qenë i grumbulluar për këtë duel. Për Berishën u vendos notë e lartë nga mediat italiane dhe pas sulmuesit Zapata që shënoi të tre golat e fitores së Atalantës, Berisha ishte një prej lojtarëve më të vlerësuar. Ai po e udhëheq Atalantën drejt sukseseve të merituara. Në Serinë B italiane Xhakomoi Vrioni vijon të jetë titullar i padiskutueshëm tek Venezia, ashtu si Elhan Kastrati dhe Ledian Memushaj tek Peskara. Ekipet e tyre ia dolën të triumfonin duke qëndruar brenda objektivave. Të gjithë lojtarët shqiptarë bënë paraqitje të mira dhe ishin në lartësinë e kërkuar. Dihet që Memushaj nuk ka nevojë të komentohet, pasi eksperienca dhe kualiteti e mbajnë në radhën e lojtarëve më të vlerësuar të Peskarës. Padyshim që performanca në rritje e Vrionit mund ta ndihmojë djaloshin e ri që të ftohet nga trajneri Kristian Panuçi në Kombëtare në eliminatoret e Europianit të vitit 2020. 

Adriatik BALLA

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 18/01/2019 - 10:58

Ekipi i madh anglez ka parakaluar Real Madridin si skuadra më e shtrenjtë në futbollin botëror. Man.City është skuadra më vlerën më të madhe sot në botën e futbollit.

Postuar: 18/01/2019 - 07:39

Luka Modriç ishte lojtari më i mirë në botë gjatë vitit 2018.

Postuar: 18/01/2019 - 07:38

Tirana dhe Partizani kanë një derbi të mirëfilltë midis tyre.

Postuar: 18/01/2019 - 07:37

Trajneri Karlo Ançeloti theksoi pak ditë më parë se Elseid Hysaj ishte pjesë e Napolit dhe pavarë

Postuar: 17/01/2019 - 18:40

Policia në Gana ka njoftuar sot se disa persona të armatosur teksa lëviznin me një motor kanë q

Postuar: 17/01/2019 - 18:37

Një lajm i bujshëm është duke qarkulluar në mediat italiane dhe jo vetëm.

Postuar: 17/01/2019 - 17:35

Barcelona ka përgënjeshtruar lajmin e publikuar nga “El Mundo” se ka aktivizuar një