Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Lëvizja/ Barcelona bën hapin e madh, ofron për Mesin kontratë të përjetshme

Postuar: 22/10/2017 - 07:56

La Liga vijon të dhurojë spektakël dhe emocione, por ky sukses varet nga performanca veçanërisht e tre ekipeve, si Reali dhe Atletiko Madrid, që kanë rivalitetin e ekipit katalanas të Barcelonës. Momentalisht, forcat në kampionatin spanjoll janë të fokusuar drejt kreut pikërisht me këto tre ekipe, ku Barça vijon të dominojë me katër pikë avantazh ndaj rivalit të përjetshëm, Realit. Nga ana tjetër, problemi i Barçës është argjentinasi Leo Mesi, që ende nuk ka hedhur firmën e zezë mbi të bardhë. Por dje u dhanë disa sinjale pozitive nga klubi katalanas.

Barcelona do t’i ofrojë Lionel Mesit një kontratë të përjetshme me klubin, ka thënë CEO i klubit, Oskar Grau, të shtunën. Mesi, 30 vjeç, është pajtuar për një kontratë katër vjeçare me Barcelonën në muajin korrik, ndonëse ende nuk e ka nënshkruar atë zyrtarisht, raporton “Reuters”. Grau, duke folur në takimin e përgjithshëm të përvitshëm të klubit, ka thënë se sulmuesit argjentinas do t’i ofrohet një marrëveshje e ngjashme me atë të mesfushorit spanjoll të Barçës, Andres Iniesta, të cilën e nënshkroi këtë muaj.

“Mesi nënshkroi një kontratë katër vjeçare në qershor, por klubi do t’i ofrojë atij një kontratë të përjetshme”, ka thënë Grau para anëtarëve të klubit. “Ideja është që Mesi, i cili është me klubin që kur ka qenë i vogël, të qëndrojë këtu përjetësisht, sepse ai veçse është ikonë. Pasi të përfundojë së luajturi, dëshirojmë që ai të mbetet i lidhur me klubin”, thuhet në komunikatën e klubit.

/Agjensia e Lajmeve Sot News/

Na Beni Like Ne Facebook: 
Total votes: 26

Lajme nga e njejta kategori

Postuar: 15/12/2018 - 21:40

Bersant Celina vijon të jetë i rëndësishëm për skuadrën e Swansea në Premiership në Angli.

Postuar: 15/12/2018 - 21:33

Një gol i Karim Benzema, në minutën e 13-të i ka mjaftuar Realit të Madridit për të harruar humbj

Postuar: 15/12/2018 - 07:39

Milani po merr vazhdimisht lajme të këqija.

Postuar: 15/12/2018 - 07:30

Trajneri Kristian Panuçi bëri një vit eksperimente me skuadrën përfaqësuese, kiu afroi shumë lojt

Postuar: 15/12/2018 - 07:24

Partizani tregoi dhe një herë tjetër se është skuadër për titull.

Postuar: 14/12/2018 - 23:04

Portali goal.com ka bërë një renditje të 10 futbollistëve që shquhen si goditësit më të mirë të