Lëvizja/ Dështoi në Botëror, Bierhof tërhiqet si drejtor i Gjermanisë

Gjermania ishte një nga dështimet më të mëdha të këtij Botërori. Ajo, për herë të dytë rresht nuk ia doli të kalojë grupet. Oliver Bierhof më nuk është drejtor i përfaqësueses së Gjermanisë. Bierhof ka shkëputur kontratën që i skadonte në vitin 2024 pas eliminimit të Gjermanisë në Kupën e Botës, ka njoftuar të martën federata gjermane. Bierhof, i cili ka qenë në këtë post për 18 vjet është kritikuar ashpër pas dështimit të Gjermanisë për të kaluar fazën e grupeve në turneun e Katarit. Në fakt, Gjermania u eliminua për herën e dytë rresht në fazën e grupeve në Kampionatin Botëror dhe kjo ka bërë që Bierhoff ta kërkojë shkëputjen e kontratës që tashmë i është aprovuar. “Bierhofi ka merita të mëdha dhe gjithmonë do të respektohet për punën e bërë. Ai do të jetë i lidhur me suksesin e ekipit në Brazil”, tha presidenti i federatës gjermane, Bernd Neuendorf.