Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Mbape del kundër “sistemit” të milionerëve: S’kam fuqi ta ndryshoj, por të ndjekim ëndrrat

Postuar: 14/11/2018 - 07:09

 Franca fitoi Kupën e Botës të vitit 2018 në kampionatin botëror të zhvilluar në Rusi verën e këtij viti, duke dominuar të gjithë kundërshtarët e në fund duke mposhtur në finale 4-2 Kroacinë. Ishte një prej skuadrave më të forta të historisë dhe pavarësisht se nuk dhuroi ndonjë futboll të bukur, pranohet se “gjelat” ishin ekipi më pragmatist i Botërorit. Në kuadër të skuadrës në këtë aktivitet luajtën një brez i artë futbollistësh, që lanë gjurmë dhe në klubet ku bëjnë pjesë. Padyshim, Griezman, Lloris, Varane, Zhirud, Kante, Matuidi, Umtiti janë elementë që ishin të konfirmuar me skuadrat e klubeve respektive, por në këtë Botëror spikatën edhe elementë të rinj si Pavard e Mbape. Pikërisht ky i fundit është kuotuar për të fituar “Topin e Artë”, sepse shënoi katër gola në Botëror dhe ishte nga më të spikaturit prej të rinjve. Nga ana tjetër, kalimi tek Paris Saint Germain e ka bërë atë me “flatra”, sepse shënon, asiston dhe është në rritje të vazhdueshme. Mediat franceze shkruajnë, ndërkohë, se Kilian Mbape është kthyer në profetin e futbollit të vendit të tyre. Në një moshë fare të re sulmuesi i Paris Saint Germain po sjell revolucion në fushën e blertë, ishte protagonist i fitores së përfaqësueses franceze në Botërorin e Rusisë, ndërkohë që vlera e tij në merkato e kalon shifrën 200 milionë euro, duke e bërë atë një ndër lojtarët më të shtrenjtë në botën e futbollit. Gjithsesi, referuar shifrave të çmendura dhe të pabalancuara që qarkullojnë sot në tregun sportiv, Mbape mendon se në nivelet më të larta luhet me shifra të frikshme aq sa për shtresën e mesme të shoqërisë mund të quhen pa frikë të pahijshme. “Vij nga një familje modeste dhe këto shifra që qarkullojnë sot në botën e futbollit do t’i quaja të pahijshme, por, në fund të fundit, ky është tregu, ky është një sistem i ndërtuar nga të tjerë, por që funksionon, ndaj unë nuk mund ta bëj revolucionin i vetëm. Bota e futbollit kështu funksionon, ndaj na mbetet ta pranojmë realitetin”, theksoi ndër të tjera sulmuesi i Paris Saint Germain. Më pas Mbape foli edhe për objektivat e tij, ku synimi parësor është të mbetet origjinal, duke mos u kthyer në kopjen e askujt. “Qëllimi im është të ruaj gjithnjë vetëvlerësimin, të mbetem ky që jam dhe të mos kthehem në kopjen e askujt. Në fund të fundit, në jetën e përditshme të gjithë ne duhet të ruajmë modestinë, të jemi të përulur, pasi kjo është motoja më e mirë për të të sjellë madhështinë”, shtoi talenti francez. Më pas, një prej futbollistëve më të spikatur në Botërorin e Rusisë, ka një mesazh edhe për brezin e ri, që i kërkon të mos ndalet kurrë edhe kur përballet me vështirësi. “Mos reshtni kurrë së ëndërruari, mos u stepni nga ata që nuk besojnë tek ju, e rëndësishme është që të ruani besimin në vete, tek ëndrra juaj”, vijoi ai. Duhet thënë se Mbape ka pak shanse të fitojë “Topin e Aretë”, një trofe që jepet për lojtarin më të mirë të vitit nga “France Football”. Luka Modriç shihet sërish si lojtari që ka më shumë shanse për këtë çmim./Adriatik BALLA

 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 20/05/2019 - 07:32

Juventus ka rrespektuar garën në Serinë A dhe sot në ndeshjen ndaj Atalantës ka barazuar 1-1 duke mbajtur të hapur luftën për pjesëmarrjen në Ligën e Kampioneve.
 

Postuar: 19/05/2019 - 21:10

Trajneri i Real Madridit, Zinedine Zidane, planifikon të largojë nga eekipi 13 lojtarë, të cilët

Postuar: 19/05/2019 - 17:07

Pep Guardiola njihet nga të gjithë si një trajner i qetë dhe diplomat.

Postuar: 19/05/2019 - 15:01

Real Madrid ka zhgënjyer edhe në ndeshjen e fundit të kampionatit, pasi është mposhtur në Bernabe

Postuar: 19/05/2019 - 14:42

Ish-trajneri i kombëtares për të rinjtë, U 19 Erjon Bogdani, do të njihet gjithmonë si kapiteni

Postuar: 19/05/2019 - 08:00

Bavarezët mposhtën me shifrat 5-1 ekipin e Eintrahtit të Frankfurtit dhe me 78 pikë s

Postuar: 19/05/2019 - 07:59

Tirana e ka komplikuar së tepërmi pozitën e saj në Kategorinë Superiore, pasi, edhe pse ruan dist