BREAKING NEWS

Ndërkombëtarët japin alarmin: Lidhjet me gjyqësorin po shpëtojnë politikanët nga burgu, Rama-Basha promovojnë vetëm besnikët, LSI parti familjare

Ndërkombëtarët japin alarmin: Lidhjet me gjyqësorin po
x

Sport

Mbrojtja më e mirë në Europë, udhëheqin Reali i Zidanit dhe Liverpuli i Klopit

Mbrojtja më e mirë në Europë, udhëheqin Reali i Zidanit

Skuadrat më të mira europiane janë ato që kanë fituar titujt në kampionatet përkatëse dhe kanë treguesit statistikorë më të mirë kur krahasohen për top-5 ligat më të mëdha të futbollit kontinental. Në këtë kuadër, klubet si Reali i Madridit, Barcelona, Mançester Siti, Liverpuli, Çelsi, Bajerni i Mynihut, Juventusi, Paris San Zhermen, Inter, Lacio, Borusia e Dortmundit etj, kanë të dhënat statistikore për treguesit sportiv më të kompletuar se skuadrat rivale të tyre në kampionatet përkatëse. Por e parë në tërësinë e vet, për aftësitë mbrojtëse të shkëlqyera, me pësim golash që kanë koeficient 0.5-0.7 gola për ndeshje, shquhen ekipet e Realit të Madridit dhe të Liverpulit, skuadra që konsiderohen që kanë repartet difensive më efikase në futbollin europian. Ky efikasitet lidhet me faktin se treguesit mbrojtës, që nuk lidhen domosdoshmërisht vetëm me numrin e golave të pësuar, shkon në përputhje me pozitat e skuadrave në renditje, pasi mbajnë vendet e para në klasifikimin e kampionateve ku bëjnë pjesë, respektivisht Liverpul;i në Premier League angleze, kurse Reali mban vendin e parë në La Liga spanjolle. Sikurse shkruajnë mediumet e njohura britanike, që bëjnë analizën e treguesve statistikorë, sezoni aktual ka hyrë në fazën e tij të fundit dhe tashmë është koha për bilancet e e para në skenën europiane. Ndër mbrojtjet më të mira të ligave kryesore, dy skuadra dallohen mbi të gjitha: ajo e Liverpul dhe Real Madridit. Në një farë mënyre kjo është diçka befasuese, e pabesueshme, por e vërtetë; duke pasur parasysh prirjen e fortë të dy trajnerëve respektivë, Klop dhe Zidane, por edhe të skuadrave të tyre, për futboll sulmues. Nga njëra anë “Reds”, kampionët e freskët të Anglisë, nga ana tjetër “Los Blancos”, që udhëheqin renditjen e La Liga-s. Skuadra nga “Anfield” ka pësuar 21 gola deri më tani, në 31 ndeshje të luajtura. Një “rekord” që vjen nga “shartimet” e rëndësishme të bëra nga klubi dhe trajneri gjerman në repartin e pasmë. Mbi të gjitha është meritë e një Van Dijk të pakalueshëm, por edhe e portierit Alison, sot në mesin e më të mirëve në botë, në rolin e tij. Edhe më mirë është mbrojtur Real Madridi, i cili ka pësuar 21 gola në 32 ndeshje (një ndeshje më shumë se Liverpul), duke e pozicionuar veten në krye të klasifikimit aktual, me shanse reale për titull. Kjo është një risi për merenguesit, të cilët, në historinë e tyre i kanë “flijuar” përherë taktikat në emër të shfaqjes dhe futbollit sulmues. Pas tyre vjen PSG në këtë drejtim, duke kompletuar podiumin e mbrojtjeve më të mira në kontinent. Skuadra e Tuhel e përfundoi kampionatin e vet me 24 gola të pësuar në 27 ndeshje. Edhe bardhezinjtë e Juventusit kanë pësuar 24 gola në 28 ndeshje (një më shumë se kampionët e Francës). Por askush nuk mund të krahasohet me statistikat e mbrojtjes që ka Reali dhe Liverpuli, që padyshim kanë mbrojtjet më të mira në Europë. Prandaj dhe suksesi i “Reds”-ave në Angli nuk është rastësor, por i provuar në bazë performance dhe mbrojtja ka meritat e saj.