Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Murinjo prezantohet tek Totenhemi, kontratë 4-vjeçare dhe 17 mln euro në sezon

Postuar: 21/11/2019 - 07:24

Largimi në mesnatën e dy ditëve më parë të trajnerit Mauricio Poçetino nga drejtimi i Totenhemit, ishte lajm i mirë vetëm për një njeri: Hoze Murinjon, i cili priste “pas dere” të ndodhte zyrtarisht ky largim e të futej brenda klubit të njohur anglez për të marrë drejtimin e skuadrës. Dhe ashtu ndodhi, ndërsa dje u bë edhe prezantimi zyrtar, ku portugezi nuk humbi aspak kohë të bënte “adetet”. Kishte muaj që e priste këtë shans, madje disa herë kishte qarë se i mungonte futbolli pas largimit nga Mançester Junajtid, ani pse merrte miliona euro nga kontrata me “djajtë” e prishur njëanshmërisht nga klubi anglez. Dhe dje i erdhi shansi tjetër i madh, për të mos thënë se kishte kohë që po e studionte situatën e Totenhemit, dhe mezi priste që të “pushkatohej” Poçetino e që të vihej ai në krye të klubit. Kështu, tekniku luzitan pason kështu në krye të klubit trajnerin Mauricio Poçetino, i cili në sezonin e kaluar udhëhoqi skuadrën drejt finales së Ligës së Kampionëve por pa mundur ta fitojë atë. Fillimi i këtij sezoni ishte shumë i dobët për londinezët duke shkaktuar kështu shkarkimin e argjentinasit. Tashmë, me Murinjon nis një erë e re në klub, pasi asnjëherë më parë Totenhemi nuk ka pasur në pankinë një emër kaq prestigjioz sa luzitani. Murinjo ka firmosur një kontratë deri në vitin 2023 teksa do të përfitojë 15 milionë paund në sezon, e thënë ndryshe afro 17 mln euro në vit, thuajse dyfishin e asaj që paguhej argjentinasi Poçetino.

Rivali në kampionat e pret me ironi e batuta

Luzitani do të debutojë këtë fundjavë në krye të Totenhemit në ndeshjen ndaj një tjetër klubi londinez, si Uest Hem. Këta të fundit kanë vendosur t’i dedikojnë një video “ mirëseardhje” ish-trajnerit të Junajtid. Klubi i Uest Hem ka publikuar disa reagime të Murinjos gjatë ndeshjeve kundër tyre në të kaluarën. Momente të cilat 56-vjeçari nuk kërkon t’i kujtojë për shkak se në fund ka humbur. Kështu, Uest Hem e ka nisur prej ditës së sotme betejën me portugezin, i cili duhet të luftojë shumë në derbin londinez për të pasur një debutim me sukses.

Marrëdhënia me Çelsin

Murinjo ka folur fjalë të mira për ish-skuadrën e tij, Çelsin. Madje, së fundmi, është sjellë në vëmendje një deklaratë e Murinjos, i cili në vitin 2015 ka zbuluar një prapaskenë, ku i është ofruar stoli i Totenhem në vitin 2007. 56-vjeçari në atë kohë shprehej se kishte pasur ofertë nga “Spurs” por nuk mund ta pranonte për respekt të tifozëve të Çelsit, duke qenë se rivaliteti mes dy klubeve londinezë është i madh. “ Kam pasur ofertë nga Totenhemi, por nuk mund të shkoja. Kisha një marrëveshje me Çelsin që nuk mund të trajnoja në Angli për dy vitet e ardhshme. Por, nuk do ta pranoja detyrën sepse i dua shumë tifozët e Çelsit”, shprehej Murinjo. Megjithatë, tashmë pas disa viteve, situata duket të ketë ndryshuar. Dhe Murinjo e pranoi Totenhemin me shumë kënaqësi e madje turravrap, pasi koha jashtë futbollit në muajt e fundit duket se e ka bërë shumë nervoz.

Adriatik BALLA

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 07/12/2019 - 23:36

Lazio ka arritur të mposhtë me përmbysje skuadrën e Juventusit.

Postuar: 07/12/2019 - 17:13

Totenhemi është duke luajtur ndaj Bërnleit në shtëpi e vlefshme për xhiron e 16-të në Premier Lig

Postuar: 07/12/2019 - 07:22

Trajneri i Juventusit Mauricio Sarri, në një dalje për mediat ditën e djeshme tha për gazetarët s

Postuar: 07/12/2019 - 07:20

Partizani do të luajë këtë javë në Ballsh, përballë Bylisit, duke pasur objektiv trepikëshin që d

Postuar: 07/12/2019 - 07:18

Kombëtarja nuk i realizoi objektivat e saj në kualifikueset e Kampionatit Europian të vitit 2020,

Postuar: 06/12/2019 - 23:28

28-vjeçari elbasanas Armando Sadiku i ka dhënë fitoren skuadrës së tij me dopietën e reali

Postuar: 06/12/2019 - 23:19

Sulmuesi Vedat Muriqi u ngjit në krye të renditjes së golashënuesve në kampionatin turk, pasi s