Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Napoli rrezikon por në fund kualifikohet, kalon edhe Çelsi i Sarrit

Postuar: 15/03/2019 - 07:25

Napoli zhgënjeu mbrëmjen e djeshme në Ligën e Europës, duke u mundur me rezultatin 3-1 nga Salcburgu austriak. Si duket, nënvlerësimi i kundërshtarit solli edhe këtë pasivitet të skuadrës napolitane, ku rrezikoi mjaft që të eliminohej. Në fakt, Napoli ishte ai që realizoi i pari dhe më pas i “futi një mendje të lehtë”, një strategji e gabuar, pasi nënvlerësimi i kundërshtarit për pak i kushtoi kualifikimin, sepse austriakët shënuan tre gola në këtë takim, duke bërë Napolin të fliste me “veten”. E nisi shumë mirë edhe Napoli sfidën e kthimit ndaj Salzburg në Austri duke kaluar në avantazh me Milik pas vetëm 14 minutash lojë, por në fund të kaltrit u dorëzuan pa kushte, pasi ishin austriakët ata që triumfuan 3-1 me gola të Dabbur, Gulbrandsen dhe Leigteb. Megjithatë, në çerekfinale shkoi skuadra e Ançelotit, që kishte fituar 3-0 në ndeshjen e parë. Dhe falë takimit të parë napolitanët shkojnë më tej, duke qenë njëherësh edhe kandidatë seriozë për të fituar trofeun në këtë aktivitet, i dyti më i rëndësishëm në Europë në nivel kubesh pas UEFA Champions League. Verdikti i mbrëmjes së djeshme ishte: Çelsi kalon me goleadë, Napoli vuan por kualifikohet në çerekfinale ndërsa surpriza e vërtetë e ndeshjeve të dyta të raundit të 1/8-ave të zhvilluara në orën 18:55 mund të ishte Krasnodar, i cili i shkoi shumë pranë kualifikimit dhe ndoshta do ta kishte merituar por një gol në sekondat e fundit i portugezit Goncalo Guedes i preu biletën për më tej Valencias. Në kryeqytetin e Ukrainës Kyiev, Chelsea dhuroi spektakël ndaj Dinamos vendase duke fituar 0-5 në ndeshjen e kthimit dhe me rezultat të përgjithshëm 8-0 avancoi në çerekfinale. Olivier Giroud me një 3-golësh, Marcos Alonso dhe talenti Hudson Odoi ishin ata që udhëhoqën skuadrën e Sarrit drejt një suksesi të thjeshtë. Siç thamë Krasnodari ishte shumë pranë kualifikimit, por në fund Valencia e ruajti epërsinë e ndeshjes së parë dhe ia doli me mjaft vështirësi të shkojë në raundin tjetër. E vërteta është se Krasnodari që luajti më mirë se Valencia, por realizoi vetëm një gol, edhe atë shumë vonë, në minutën e 85-të, falë një goditjeje spektakolare nga distanca të Sulejmanov. Por nuk ishte e thënë që rusët të kualifikoheshin se Goncalo Guedes me golin e tij në minutën e 93-të u ngriu buzëqeshjen në fytyrë tifozëve të Krasnodarit. Valencia u kualifikua falë suksesit 2-1 në sfidën e parë. Ishte një duel dramatik, por spanjollët patën fat dhe falë eksperiencës së tyre ia dalin të shkojnë në çerekfinale. Kujtojmë se Çelsi, Napoli dhe Valencia janë edhe kandidatët kryesorë për të fituar Ligën e Europës. në fund kujtojmë që për Napolin mbrëmë luajti në fushë në pozicionin e tij natyral në krahun e djathtë të mbrojtjes Elseid Hysaj, i cili ishte 90 minuta në fushë e performanca e tij ishte në tërësi e mirë.

Adriatik BALLA

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 21/05/2019 - 20:12

Juventus është në kërkim të një trajneri që pas largimit të Allegrit.Trajneri nga Livorno u largua pas 5 vitesh nga Juventus, si pasojë e prishjes përfundimtare me dyshen Nedved-Paratici.

Postuar: 21/05/2019 - 20:10

Juventusi duket se ka gati goditjen e madhe të merkatos së verës.

Postuar: 21/05/2019 - 17:59

Kombëtarja shqiptare ka nisur sot zyrtarisht përgatitjet për dy ndeshjet e muajit qershor, ndaj I

Postuar: 21/05/2019 - 13:47

Largimi i Masimiliano Allegrit nga stoli i Juventusit ka bërë që drejtuesit të nisin punën për

Postuar: 21/05/2019 - 12:47

Pas humbjes 4-1 ndaj Napolit, tifozët e Interit kanë ndërmarrë një fushatë në rrjetet sociale m

Postuar: 21/05/2019 - 11:29

Kombëtarja shqiptare do të luajë pas pak ditësh dy ndeshjet e radhës kualifikuese të Europianit

Postuar: 21/05/2019 - 10:29

Këtë verë pritet të thyhet sërish rekordi i futbollistit më të shtrentë në botë.