BREAKING NEWS

Yuri Kim i dha mesazhin e fortë, Lulzim Basha bën lëvizjen urgjente

Yuri Kim i dha mesazhin e fortë, Lulzim Basha bën lëvizjen
x

Sport

Ndahet nga jeta lojtari që kërkoi të vishte fanellën e Shqipërisë por se la FIFA

Ndahet nga jeta lojtari që kërkoi të vishte fanellën e

Ai kishte kërkuar që të luante për Shqipërinë, por FIFA i kishte kthyer përgjigje negative. Tashmë ky djalosh vdiq dhe bëhet fjalë për një lojtar me origjinë shqiptare. Pra, futbolli është tronditur sot nga një tjetër vdekje e papritur. Në moshën 32-vjeçare është ndarë nga jeta mesfushori Labinot Harbuzi, një talent i cili shkëlqeu me fanellën e përfaqësueseve të moshave të Suedisë dhe disa vite më parë ishte shumë pranë fanellës kuqezi. Lojtari i cili në vitet e fundit kishte kaluar në kampionate të niveleve të ulëta në Suedi apo atë malajzian, ishte shumë pranë mbylljes së karrierës së tij.

Dëmtimet e njëpasnjëshme e kishin kthyer nga një futbollist të talentuar, në një lojtar i cili nuk po gjente më hapësira për të luajtur në nivelet që priste, edhe pse kishte shkëlqyer me skuadra si Malmoe e Gençlerbirligi. Lajmi u bë i ditur nga familjarët e tij, të cilët lajmëruan se Harbuzin e kishte gjetur të pajetë babai i tij i cili ishte munduar të kthente në jetë por pa sukses. Edhe pse i transportuar me urgjencë në spital, atje ishte konfirmuar përfundimisht lajmi tragjik. Në vitin 2010, Harbuzi ishte një prej emrave që ishin gati t’i bashkoheshin përfaqësueses shqiptare dhe filluan kontaktet me FSHF për të pajisur atë me pasaportë. Por FIFA asokohe nuk kishte miratuar ende ndryshimet e kombëtareve, siç ka ndodhur në vitet e fundit, ndaj Harzutit nuk iu lejua që të shkëputej nga Suedia për të veshur fanellën kuqezi.