Ndeshja Zvicër-Serbi/ Mori ftesën për sfidën e shqiptarëve, Ballist Morina i prerë me përgjigjen e tij (FOTO)

Për shumë është një hero, për disa të tjerë është arsyeja kryesore pse Shqipëria arriti kualifikim historik në Euro 2016. E sigurt është që emri i Ballist Morinës do të jetojë për shumë gjatë në historinë e futbollit shqiptar. Arkitekti i “Autochthonous” që tërboi serbët në mbrëmjen e 14 tetorit të 2014-ës në ndeshjen Serbi – Shqipëri në Beograd.

Dashuria për flamurin dhe kombëtaren shqiptare është aq e madhe saqë Ballisti nuk dëshiron as të flasë për ndonjë kombëtare tjetër, madje edhe kur e ftojnë në emisione sportive. Këtë e tregon vetë ai, i cili ka publikuar në rrjete sociale mesazhet me një moderator të një emisioni sportiv në Shqipëri, emrin e të cilit nuk e bën me dije, që i kërkon të bëhet pjesë për ndeshjen Zvicër – Serbi por përgjigjja ka qenë e prerë: Jo, nuk kam lidhje me asnjë nga këto ekipe.