Ndryshimi ndodhi pasi Nagelsman kishte krijuar përplasje me lojtarët e veçmas portierin Nojer, zëvendësimi nga Tuhel vjen natyrshëm në këtë moment

Askujt nuk i shkonte mendja se një prej klubeve më të mëdha në botë, sikurse është Bajerni i Mynihut, në pozita kampioni për shkak të kryesimit të garës në Bundesligën gjermane dhe në çerekfinale të Champions League, do të ndryshonte krejt papritur trajnerin, vetëm dy muaj nga fundi i sezonit. Pra, lajmi më i rëndësishëm i ditës ishte pa dyshim shkarkimi i Julian Nagelsman nga stoli i Bajernit të Mynihut. Ky vendim padyshim mund të konsiderohet një nga më çuditshmit kur na ndajnë më pak se tre javë nga dueli kundrejt gjigantëve anglez të Mançester Sitit. Bajerni i Mynihut ka gjetur menjëherë zëvendësuesin e Nagelsman. Sipas medieve gjermane, trajnerit 35-vjeçar i humbi respekti në dhomat e zhveshjes duke pasur përplasje të menjëhershme me figurën simbol të Bajernit: Manuel Nojer. Një përplasje e cila shkaktoi shumë polemika në atë periudhë. Rasti më i fundit ishte kur ai deklaronte: “Kemi dikë pjesë të ekipit i cili po na zbulon taktikat dhe po i shpërndan kudo, a mund të jetë pjesëtar i stafit, a mund të jetë lojtar”? Duke nënkuptuar që në ambientet e brendshme të klubit kishte diçka që nuk funksiononte. Klubi i Bajernit nuk vonoi me zëvendësimin e tij, duke sjellë një trajner të mirënjohur për publikun. Ai është një trajner i ri dhe karizmatik, gjerman i njohur, i diplomuar në shkollën e Mainz 05 dhe një nga 3 studentët më të dalluar të Ralf Ragnik. Bëhet fjalë për Thomas Tuhel, një trajner i cili ka pasur eksperienca të kënaqshme në Mainz 05, në Dortmund te Borusia dhe në Francë te PSG, por nuk duhet të lëmë pa përmendur eksperiencën e fundit dhe atë më lavdishmen, me Çelsi në Londër ku mbi të gjitha bie në sy triumfi në Champions League. Bajern nuk e kishte të vështirë të firmoste me Tuhel, pasi ishte pa një ekip. Hera e fundit që Tuhel drejtoi një ekip ishte në ndeshjen e tij të 100 me klubin e Çelsi, ku humbi kundrejt Dinamo Zagreb me rezultatin 1-0 në Kroaci. Në Gjermani thuhet se emërimi i Tuhel në pankinë, në vendin e Nagelsman, është vendimi më i mire duke marrë shkak edhe nga historiku I trajnerit. Tuhel mori drejtimin e Çelsit në një faze të njëjtë të sezonit dhe askush nuk e priste që të arrinte sukses, por historia flet vetë. Tuhel është trajneri i duhur për Bajernin sepse krahas sukseseve në Gjermani mund të sjellë atë që Nagelsman nuk fitoi dot, trofeun e Champions League. Në fakt, është dhënë lajmi zyrtar për emërimin e Thomash Tuhelit trajner i Bajernit. Ish-i i Borusias së Dortmundit, PSG-së dhe Çelsit ka firmosur një kontratë të vlefshme deri në qershor të vitit 2025.