Nejmar projekton ta mbyllë karrierën në Paris

Merkato ne verës duket lag por për disa lojtarë cilësorë ajo ka nisur që tani. Mësohet nga mediat franceze se sulmuesi brazilian Nejmar nuk e ka ndërmend të largohet nga Paris San Zhermen, përkundër raportimeve se klubi francez po kërkon blerës për brazilianin. “L’Equipe” ka shkruar të hënën se Nejmar tashmë ka njoftuar klubin për vendimin e tij. Madje, ai dëshiron ta respektojë deri në fund kontratën me Parisin, klub me fanellën e të cilit synon të pensionohet nga futbolli aktiv. Nejmar ka kontratë me Parisin deri në vitin 2027, ndërsa është pjesë e ekipit prej vitit 2017 kur iu bashkua nga Barcelona. 31-vjeçari tashmë e ka përfunduar para kohe sezonin aktual për shkak të operimit të nyjës së këmbës dhe është i detyruar të pushojë të paktën për katër muaj. Megjithatë, në 29 ndeshje të luajtura, ai ka shënuar 18 gola dhe ka asistuar 17 herë.