Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Nexhipi, kandidat për të luajtur me Kombëtaren kuqezi

Nexhipi, kandidat për të luajtur me Kombëtaren kuqezi

Postuar: 28/03/2014 - 12:03

Shumë lojtarë që luajnë në kampionatin shqiptar nuk vlerësohen sa duhet për të qenë kandidatë të veshin fanellën e ekipit kombëtar dhe kjo ndodh ngaqë realisht kampionati ynë nuk ka cilësi, por edhe paragjykohet. Megjithatë, ka disa lojtarë që bëjnë diferencë dhe kërkojnë një mundësi nga trajneri de Biazi. Një pjesë e këtyre futbollistëve kanë ardhur nga Kosova apo Maqedonia dhe pretendojnë të jen ë në nivelin e duhur për të shpresuar për një mundësi në ekipin përfaqësues e një ndër ta është dhe sulmuesi Nderim Nexhipi, lojtar që luan me Partizanin e që ka një potencial të madh, aq sa në kampin e kuq e cilësojnë një futbollist që bën diferencën dhe ka mundur ta bëjë këtë në duelin e rëndësishëm derbi që Partizani luajti me Tiranën në fundjavën e kaluar në stadiumin kombëtar “Qemal Stafa”, ndeshje e mbyllur në barazim 0-0 dhe ku Nexhipi realizoi në kohën shtesë.
 
Katër golat e tij për Partizanin dhe paraqitjet e suksesshme në fanellën e Partizanit kanë bërë që Nderim Nexhipi të jetë në qendër të vëmendjes tek mediat në Shqipëri. Ditëve të fundit, ai ka dhënë një sërë intervistash, ndërsa së fundmi ka qenë i ftuar, së bashku me mysafirë të tjerë, edhe në një emision sportiv “Bar Sport” që emitohet në Supersport. Një nga opinionistët e njohur sportiv Artan Shyti ka lavdëruar mesfushorin shkupjan për ndeshjet dhe golat e bukur në fanellën e të “kuqve” nga kryeqyteti shqiptar. “Nderim Nexhipi duhet të luaj për Shqipërinë, andaj duhet nisin procedura për pajisjen me pasaportë “, ka thënë Shyti në emisionin sportiv. Në këtë emision i ftuar ka qenë edhe Dritan Shakohoxha, komentuesi i ndeshjeve sportive në Supersport, i cili ka treguar se derbin Partizani –Tirana (1-1) në stadiumin “Qemal Stafa” ka qenë i pranishëm edhe trajneri i Shqipërisë, De Biasi.
 
Dhe, sipas Shakahoxhës loja e Nexhipit i ka pëlqyer trajnerit të kuqezinjve. Në anën tjetër, vet Nexhipi është shprehur se për të do të ishte nder të luante për Kombëtaren e Shqipërisë: “Për mua do të ishte një nder të luajë për Shqipërinë. Nëse u nevojitem do të luaja pa asnjë problem”, ka pohuar Nexhipi. Mbetet në duart e De Biazit ta vlerësojë ose jo performancën e tij në kampionatin shqiptar dhe me fanellën e partizanit, por e sigurt është se De Biazi nuk ka “pikën e respektit” për nivelin e kampionatit të Kategorisë Superior edhe nuk është e rastësishme që asnjë lojtar i Superligës nuk arrin të jetë konkurrues në Kombëtare. Edhe Muzaka që ishte pjesë e përfaqësueses nuk është më. Ndonjë ftesë që vjen rastësisht për Shehin, arapin apo ndonjë tjetër harrohet, pasi rrinë në stol. 
 
 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 21/05/2019 - 22:35

Tre javë pas një ataku në zemër, ku për fat të mirë Iker Kasijas e kaloi pa pasoja fatale për jetën, një tjetër lajm i vështirë vjen në shtëpinë e portierit legjendar spanjoll.

Postuar: 21/05/2019 - 20:12

Juventus është në kërkim të një trajneri që pas largimit të Allegrit.Trajneri nga Livorno u

Postuar: 21/05/2019 - 20:10

Juventusi duket se ka gati goditjen e madhe të merkatos së verës.

Postuar: 21/05/2019 - 17:59

Kombëtarja shqiptare ka nisur sot zyrtarisht përgatitjet për dy ndeshjet e muajit qershor, ndaj I

Postuar: 21/05/2019 - 13:47

Largimi i Masimiliano Allegrit nga stoli i Juventusit ka bërë që drejtuesit të nisin punën për

Postuar: 21/05/2019 - 12:47

Pas humbjes 4-1 ndaj Napolit, tifozët e Interit kanë ndërmarrë një fushatë në rrjetet sociale m

Postuar: 21/05/2019 - 11:29

Kombëtarja shqiptare do të luajë pas pak ditësh dy ndeshjet e radhës kualifikuese të Europianit