BREAKING NEWS

Fundoset Meta, Kuvendi rrëzon dekretin për Kodin Zgjedhor dhe vulos heqjen e koalicioneve, Basha dhe amerikanët lënë në baltë presidentin

Fundoset Meta, Kuvendi rrëzon dekretin për Kodin Zgjedhor dhe vulos
x

Sport

Nis puna te “Selman Stërmasi”, Halili premton rikonstruksionin e impiantit

Nis puna te “Selman Stërmasi”, Halili premton rikonstruksionin
Në mungesë të një stadiumi cilësor e me standarde në kryeqytet, për më tepër që stadiumin “Qemal Stafa” do të prishet, alternativa e vetme në Tiranë mbetet stadiumi “Selman Stërmasi”, mjaftueshëm për të pritur ndeshjet kryesore, por që ka nevojë emergjente për ndërhyrje, diktuar nga shkallët e shkatërruara dhe ambientet e brendshme të vjetruara. Nga ana tjetër, edhe kushtet e sigurisë në stadium janë shumë të pakta dhe i parë në tërësi impianti ka nevojë për ta ndërtuar nga fillimi.
 
Por klubi kryeqytetas nuk humbet kohë. Ai ka projektuar ndërhyrjen në stadium, për ta rikonstruktuar, në mënyrë që brenda vitit 2015 skuadra bardheblu të ketë impiantin e saj modern, të paktën sa u takon shkallëve dhe fasadës së jashtme, pa përjashtuar dhe ndërtimin e fushës së re. Të gjitha këto do të bëhen në emër të klubit, por kuptohet qartë se investimin do ta kryejë presidenti Refik Halili, i cili ka qenë iniciator i kësaj nisme, diktuar dhe nga nevoja që paraqet stadiumi.
 
Halili ka qenë dhe më parë sponsor në përmirësimin e infrastrukturës së “Selman Stërmasit”, ku në bashkëpun9im me donatorët e mëhershëm bardheblu rregulloi tribunën e madhe të këtij stadiumi. Por tribuna në fjalë është dëmtuar në këto vitet e fundit, pasi ka pasur shkulje të stolave dhe dëmtime të tjera, kështu që ndërhyrja e re për rikonstruksion lind si domosdoshmëri.
 
Punimet
 
Në stadiumin “Selman Stërmasi”, në pronësi të Tiranës, kanë nisur punimet për t'i dhënë një tjetër fytyrë pasi vitet e fundit ky kompleks kishte nisur degradimin me hapa të shpejtë. Projekti për rinovimin e shkallëve dhe fushës së blertë është iniciuar nga klubi i Tiranës. Ndryshime do të bëhen edhe në pankinat drejtuese ku do të kopjohet stili i "Elbasan Arena" që ato të jenë në një nivel me fushën, ndërsa në fazën e fundit do të përfshihet rikonstruksioni i fasadës së jashtme. Nuk dihet ende nëse në përfundim të punimeve, Tirana do të vendosë ose jo t'i luajë ndeshjet e shtëpisë në "Selman Stermasi".
 
Pak ditë më parë, Federata bëri me dije se gjatë pushimit do të punohet për rikonstruksionin e tapetit të stadiumit kombëtar "Qemal Stafa", ndërsa një projekt i rëndësishëm i vitit 2015 është edhe rikonstruksioni i plotë i stadiumit "Loro Boriçi" në qytetin e Shkodrës. Qeveria ka programuar përmirësimin e infrastrukturës sportive në tërësi në të gjithë vendin dhe shenjat e para i dha pikërisht në Elbasan, ku rikonstruktoi dhe shtoi kapacitetet e stadiumit të këtij qyteti, i cili mori emrin “Elbasan Arena”.