Optimizmi/ Rodri beson se Spanja e eliminon pa probleme Marokun

Një ditë para përballjes me Marokun në 1/8 e finales të Kupës së Botës, mesfushori spanjoll Rodri thotë se nuk tolerohen gabimet e njëjta të Spanjës si ndaj Japonisë, kur humbi me rezultatin 2-1 në grupe, kurse këtë të martë në 1/8 e finales takohen me Marokun. Rodri kujtoi se duhet të jenë në një ditë shkëlqyer për të mposhtur Marokun. “Gjithmonë ka një analizë se çfarë mund të përmirësojmë edhe pas ndeshjeve që i kemi luajtur mirë. Kundër Japonisë nuk ka shumë për të përmirësuar, pasi rënia ishte vetëm dhjetë minutat e fundit. Dhe, kjo është pikërisht ajo që duhet të shmangim. Ne jemi paralajmëruar dhe trajneri ishte i qartë. Lojtarët kanë marrë përsipër përgjegjësitë e tyre. Tani synimi ynë i vetëm është të jemi në raundin tjetër dhe ne e dimë se mund ta bëjmë. Marokenët kanë lojtarë me cilësi shumë të mira dhe ata luajnë mirë si kolektiv”, tha Rodri.