Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Ozil i vë kushte Barçës: Vij, por dua pagë 19 mln euro plus bonuset

Postuar: 24/11/2017 - 07:19

Mesfushori me tipare sulmuese ka shprehur dëshirën për të luajtur larg Arsenalit sezonin e ardhshëm, duke pasur si qëllim të jetë me një ekip në Champions

Barcelona ka vënë në listë emrat më të mirë të mundshëm që mund të veshin bluzën blaugrana në muajt e ardhshëm, në mos në merkaton e janarit në atë të qershorit. Pas emrave të Kutinjos apo Antuan Griezmanit, së fundmi në listën e dëshirave të Barcelonës është vendosur mesfushori turko-gjerman, Mesut Ozil, i cili e ka shprehur hapur dëshirën për t’u larguar nga Arsenali në fund të këtij edicioni, kohë kur edhe i mbaron kontrata me klubin anglez. Por, interesimit të Barcelonës Ozil i është përgjigjur me kushte të forta financiare. Mesut Ozil ia ka bërë të qarta kërkesat e tij ekonomike presidentit të Barcelonës, Josep Maria Bartomeu, nëse ky i fundit dëshiron shërbimet e tij. Mesfushori i Arsenalit, që është në skadencë kontrate më skuadrën e Venger, kërkon plot 370 mijë euro në javë, një shumë ekuivalente me 19 milionë euro në vit. Një shpenzim të tillë Barcelona mund t’ia lejojë vetes vetëm nëse në janar largon Arda Turan, paga e të cilit rëndon jo pak arkat e “blaugranave”. Përveç pagës “faraonike”, Ozil kërkon edhe bonuse të tjera. Venger, që tashmë e ka të qartë se nuk do ta ketë lojtarin në shërbim të tij sezonin e ardhshëm, është i predispozuar që ai të arrijë marrëveshjen me Barçën, vetëm që të mos i bashkohet Hoze Murinjos te Mançester Junajtid. Madje ekzistojnë të gjitha mundësitë që kalimi në “Camp Nou” të ndodhë që në janar, me lojtarin që do të federohej menjëherë në Champions, pasi Arsenali këtë sezon merr pjesë ne Europa League. “Topçinjtë” janë të fokusuar për t’i rrëmbyer Shalkes 23-vjeçarin Goretzka, i cili do të ishte në qendër të projektit të drejtuesve të Arsenalit. Të njëjtin lojtar e kërkon edhe Barça, që mund t’i hapë rrugë skuadrës së Venger nëse siguron kartonin e Ozil.

Mesi kundër turko-gjermanit

Lionel Mesi ka kërkuar nga Barcelona që të zbehin interesimin për anësorin e Arsenalit, Mesut Ozil. Mesfushori gjerman do të jetë i lirë verën e ardhshme dhe pritet largimi i tij në janar, kur edhe do të hapet afati kalimtar i dimrit. Interesim për të ka shprehur edhe Mançester Junajtid, derisa Barcelona ishte mahnitur me formën e tij sa ishte lojtar i Real Madridit. Sipas “Diario Gol”, Mesi është në dijeni të mungesave të Ozilit në ndeshjet e mëdha dhe ka kërkuar nga drejtuesit e Barçës që të zbehin interesimin për të. Ozil ka realizuar një gol dhe tre asistime në 10 paraqitje në Premier Ligë. Por për bluzën e Barcelonës dhe sipas vlerësimeve të Lionel Mesit, një lojtar që duhet të veshë bluzën e skuadrës katalanase duhet të ketë në këmbët e tij minuta në ndeshjet më të mëdha të mundshme që i përkasin çerekfinaleve, gjysmëfinaleve e finaleve të UEFA Champions League. Ndoshta Mesi nuk e do Ozil në skuadër sepse kanë të njëjtat tipare dhe luajnë pak a shumë në të njëjtat pozicione. Por të gjitha janë qëndrime mediatike nga analizat e opinionistëve dhe gazetarëve, sepse vetë Mesi nuk është deklaruar hapur personalisht për këtë çështje. 

Adriatik BALLA

/Agjensia e Lajmeve Sot News/

Na Beni Like Ne Facebook: 
Total votes: 31

Lajme nga e njejta kategori

Postuar: 23/06/2018 - 23:15

Me një ndeshje dhe fitore dramatike në minutat e fundit të takimit, Gjermania mund të eleminohet për shkak të golavarazhit jo të favorshëm.

Postuar: 23/06/2018 - 23:00

Kombëtarja e Gjermanisë ka fituar në fund me rezultat 2-1 ndaj asaj të Suedisë në ndeshjen e dytë

Postuar: 23/06/2018 - 22:01

Kombëtarja e Gjermanisë ka fituar në fund me rezultat 2-1 ndaj asaj të Suedisë në ndeshjen e dytë

Postuar: 23/06/2018 - 21:45

Gjermania ende nuk ka gjetur golin e fitores pasi Suedia po bën rezistencë.Si mos mjaftonte kjo,

Postuar: 23/06/2018 - 21:16

Kombëtarja e Gjermanisë ka gjetur golin e barazimit ndaj Suedisë.Gjermanët kanë barazuar ndaj sue

Postuar: 23/06/2018 - 20:35

Është gati e pabesueshme por Suedia në momentin më të mirë të Gjermanisë ka kaluar në avantazh 1-

Postuar: 23/06/2018 - 20:30

Politika serbe nuk ka qëndruar kaq brenda kornizave si në rastin e presidentit Vuçiç.Vojislav She