Partizani është ekip lider në Superiore, statistikat u japin të drejtë “demave”

Ndarja nga jeta në mënyrë tragjike e sulmuesit të Egnatias, Duamena, detyroi FSHF-në të anulonte takimet e tjera të javës së 13-të dhe të shtynte edhe vetë ndeshjen që po luhej Egnatia-Partizani, e fiksuar në barazim. Por skuadrat do ta nisin duelin e tyre pikërisht aty ku e lanë, për të vijuar kështu normalisht 75 minutat e mbetura nga ai takim. Nga ana tjetër, ardhja e ndeshjeve eliminatore të Europianit e shtyu për më tej luajtjen e takimeve e në këtë mënyrë gara në Superiore do të rinis javën e ardhshme. Për momentin, Egnatia dhe Partizani mbajnë vendet e para me pikë të barabarta, nga 26, por të kuqtë kanë një ndeshje më pak të luajtur dhe në këtë mënyrë shihen si favoritë për të marrë kryesimin të vetëm. Formula e garës ka ndryshuar këtë herë dhe

Ecuria e Partizanit

Tirana dhe Skënderbeu ishin skuadrat që e nisën më mirë garën këtë edicion në Superiore, por me kalimin e javëve këto dy skuadra përjetuan krizë të brendshme dhe në sipërfaqe dolën Egnatia dhe Partizani që u treguan ekipe më të konsoliduara dhe menaxhuan më mirë situatën. Në fakt, Partizani është skuadra më në formë e Superiores në gjashtë takimet e fundit. Në gjashtë sfida ka marrë 18 pikë ose gjashtë triumfe. Asnjë skuadër këtë vit nuk ka bërë më mirë se të kuqtë në sfidat rresht. Nga ana tjetër Egnatia në gjashtë sfidat e fundit ka arritur të marrë katër fitore, një humbje dhe një barazim. Duket qartë se të kuqtë janë në formën më të mirë. Gjithsesi, përtej përballjes në distancë në sfidat e fundit mes skuadrave ka edhe një ndryshim të madh. Në përballjet e tyre ka dominuar barazimi. Kështu në 13 takime të luajtura në 20 vitet e fundit, ndeshja gjashtë herë është mbyllur në barazim, ashtu siç është rezultati provizor 1-1, i sfidës së ndërprerë në 11 nëntor. Egnatia në përballjet me Partizanin ka dy fitore, ndërsa të kuqtë kanë pesë triumfe. Të kuqtë për shkak të historisë kanë tri fitore më shumë, por vuajnë shumë takime në barazim.

Statistikat u japin të drejtë “demave”

Ecuria e një skuadre matet më mirë nga statistikat, pra nga parametrat sportivë që prodhon loja e grupit. dhe Partizani ka të drejtë të krenohet me ecurinë e ekipit, sidomos gjatë javëve të fundit, ku nuk e njeh humbjen. Ndaj, duam apo nuk duam statistikat janë kokëforta. Në tri sfidat e fundit mes Partizanit dhe Egnatias, takimi gjithmonë është mbyllur në barazim 1-1. Edhe ndeshja e pambyllur është për momentin 1-1. Thënë ndryshe, barazimi është fjala që dominon sfidën mes dy skuadrave. Me Alban Hoxhën që do të mungojë për një operacion, grupi i kuq ka vazhduar përgatitjet për sfidën me Egnatian. Skuadra ka qenë e plotë me përjashtim të dy mbrojtësve Preka dhe Buxhelaj të cilët janë të impenjuar me përfaqësuesen kuqezi U-21. Nga ana tjetër, Partizani më 23 nëntor do të luajë një nga dy nga sfidat e prapambetura, atë me Egnatian. Takimi do të nisë në minutën e 24-t, kur u ndërpre për shkak të tragjedisë “Duamena”. Partizani duhet të luajë edhe një sfidë tjetër të prapambetur me Teutën që përkon për javën e parë të Kategorisë Superiore.