SPAK para “provës së zjarrit”, avokat i njohur paralajmëron arrestimin e Edi Ramës, ja aferat ku dyshohet se është përfshirë kryeministri
Idajet Beqiri: Si e ngriti Flamur Noka mini-fabrikën në Greqi me valixhet me euro nëpërmjet dy njerëzve të tij të besuar nga Kukësi dhe Fieri që përfunduan në burg, ja detajet nga afera e madhe që ndodhet në duart e SPAK
Ja pse Grenell është lidhja e dyshes Berisha-Meta me Edi Ramën, si po i varin shpresat tek njeriu i Donald Trump për të shpëtuar nga sanksionet e SHBA duke shitur ishullin e Sazanit, Evi Kokalari nxjerr detajet e forta
Richard Grenell konfirmon pazaret Rama-Berisha për ishullin e Sazanit, ja detajet e marrëveshjes me dhëndrin e Donald Trump
Edi Rama pazare të pista me Vuçiç dhe Grenell për të ringjallur idenë e copëtimit të Kosovës, media gjermane plas “bombën”, ja çfarë fshihet pas investimit të dhëndrit të Donald Trump në ishullin e Sazanit
Gati lirimi i Sali Berishës dhe Jamarbër Malltezit nga burgu, ja çfarë përmban marrëveshja e Edi Ramës me “Rithemelimin”, nga shkatërrimi i SPAK dhe rrëzimi i ligjit të dekriminalizimit, te ngritja e komisionit anti-reformë
Ja çeta e grabitjes së pronave të ushtrisë, nga presidenti Bajram Begaj, te Xhaçka dhe Belinda Balluku, zbardhen shkeljet e rënda penale për interesat e oligarkëve, si u vendos në rrezik siguria kombëtare, operacionaliteti i Forcës Detare dhe detyrimet...
Katër atentate e plagosje në katër ditë ministrit të suksesshëm Taulant Balla, policia mbledh gëzhojat e ekzekutimeve
Partizani nuk ia del, mposhtet 2-0 nga Karabagu, “zbret” në Europa League
Shkruar nga SOT.COM.AL 18 Korrik 2019
Partizani është eliminuar nga Liga e Kampioneve. Kjo pasi humbi dje ndaj Karabagut me rezultatin 2-0, duke mos ia dalë që të ruajë rezultatin pozitiv të ndeshjes së parë, një barazim pa gola në Tiranë në duelin e parë me azerët, një rezultat që kishte dhënë shpresa për të kuqtë. Kualiteti i lojtarëve të Karabagut bëri diferencën në fushë në pjesën e dytë, por për Partizanin duhen thënë fjalë më të mira, pasi bëri një ndeshje perfekte, luajti shumë mirë në të dy fazat e lojës, por pa mundur të finalizojë në ato pak raste të mira shënimi. Në futboll diferencën e bëjnë golat dhe golat i shënoi Karabagu që kalon në turin e dytë kualifikues të Champions League, kurse Partizani eliminohet, me kokën lart, dhe tashmë do të vijojë aventurën e tij kontinentale në Europa League.
Ndeshja
“demat” e nisën mjaft mirë ndeshjen, duke dhënë shkëndija shënimi në pjesën e parë me Jasir Asanin, por edhe duke mbajtur të izoluar lojtarët vendas që patën pak raste shënimi. Pjesa e parë mes Karabagut dhe Partizanit në “Dalga Arena” u mbyll në barazim 0-0, duke dhënë optimizëm tek stafi i kuq për një kualifikim të mundshëm. Të kuqtë, ashtu si në ndeshjen e parë, u mbrojtën me shumë forca. Çinari, me një goditje nga distanca vuri në vështirësi portierin vendas. Gjithsesi, në një moment shpërqendrimi në minutë e 51-të, Ozobic gjendet i vetëm në qendër të mbrojtjes, duke mposhtur Alban Hoxhën.
Të kuqtë, ashtu si në ndeshjen e parë në “Selman Stërmasi”, zhvilluan një lojë të organizuar mirë taktikisht, por u ndëshkuan me dy gola në pjesën e dytë, pikërisht në minutën e 51-të, siç thamë me Ozobiç që i shpëtoi mbulimit të mbrojtjes, duke shënuar me kokë, dhe në kohën shtesë me Kuintanan, në minutën e 3-të shtesë, që shfrytëzoi një kundërsulm të shpejtë, duke mos i dhënë mundësinë e reagimit Alban Hoxhës e as sparkadës së Lorenc Trashit. Një gol që mbylli përfundimisht ëndrrën e të kuqve për një kualifikim të mundëshëm. Në analizën e përgjithshme të ndeshjes mund të thuhet se kampionët e Shqipërisë zhvilluan një pjesë të parë të mirë, madje e vunë në vështirësi portierin kundërshtar me Çinarin me një goditje nga distanca. Pas golit të parë të Karabagut, Solomon pati një mundësi të artë përballë portierit Vanger, duke shpërdoruar një gol që mund të vlente kualifikimin. Në minutat e fundit të pjesës së dytë Alban Hoxha mbajti në lojë të kuqtë me dy pritje fantastike, por në kohën shtesë e pati të pamundur të ndalte Kuintanën. Përtej eliminimit, paraqitja e Partizanit mund të konsiderohet pozitive, pasi edhe shorti nuk ishte bujar me këtë kundërshtar.
Formacioni, Lerda sërish befason me Trashin
Tifozët e Partizanit prisnin që Lorenc Trashi të luante titullar në sfidën e kthimit me Karabagun, në raundin e parë të Championsit, por trajneri italian, Franco Lerda, i ka besuar sërish nga minuta e parë shkodranit Esin Hakaj. Ndryshimi i vetëm në 11-shen e parë i përket vetëm fazës së sulmit. Lerda i ka besuar nga minuta e parë sulmuesit Solomon, i mbërritur javët e fundit te Partizani, duke ulur në stol Mensah. Çinari, ndërkohë, ndryshon pozicion, duke u vendosur në të majtë, disi më i tërhequr. Pjesa tjetër e formacionit mbetet e pandryshuar.
Aventura në Europa League, ballafaqim me Liridon Latifin
Pas eliminimit në Champions, Partizani duhet që të mendojë tani për Europa Ligën, ndërsa kundërshtari i të kuqve do të jetë skuadra e njohur moldave, Sherif Tiraspol. Në radhët e moldavëve luan edhe mesfushori me tipare sulmuese që ka spikatur te Skënderbeu dhe është pjesë e përfaqësueses sonë kuqezi. Tashmë Partizani ka si synim që të luajë sa më gjatë në Europa Ligë, ndërsa skuadra pritet që të jetë më kompakte.
Adriatik BALLA