Gati të fundoset grupi organizator i biznesit të armëve në Gërdec, prokurorët pritet të marrin në duar faktet nga Drejtësia Amerikane, nisen letër-porositë në SHBA, informacione do të merren edhe për Patrick Henryn, ja lidhja e tij me Delijorgjin dhe S...
Daut Gumeni: Ja pse socialistët dhe Gentiana Sula bllokuan hapjen e dosjes së spiunit të Ilir Metajt, presim që ‘shiringa me ujë deti’ që u injektoi zyrtari i lartë i DASH prokurorëve të SPAK të sjellë arrestimin e ‘peshave të rënda’
Plas skandali, Kuvendi i Shqipërisë vihet nën akuzë për votimin pa kuorum të ligjit për Investimet Strategjike, ja si u shkallmua Kushtetuta nga mazhoranca, zbardhet mashtrimi
Pasuria e dyshimtë e “sheikut” të Kuvendit Laert Duraj që sfidon “ujqërit” e vjetër në politikë, banesë 200 mijë euro, 11 llogari bankare, fitime marramendëse nga qeratë, 180 mijë euro shitje pasurish, si i ka justifikuar milionat nga puna si emigrant,...
Ja pazaret e PS dhe Rithemelimit, si po mbrojnë korrupsionin e Klodian Allajbeut dhe Vilma Nushit, vjedhjet me “Hemodializën”, “Check Up”-in, “Laboratorët” dhe “Sterilizimin” janë të faktuara, priten arrestimet nga SPAK
Rama-Berisha ngrenë komision për të shkatërruar SPAK dhe Reformën në Drejtësi, ja pazaret e reja të “non-gratës” me kryeministrin për të bllokuar arrestimet
Plas skandali i Portit të Vlorës, ja si iu falën Samir Manes 57 mijë metra katror tokë, të implikuar 2 ministra, SPAK merr në dorëzim padinë për megaoligarkun e qeverisë
Gazetarja e njohur paralajmëron arrestime të bujshme në ditët në vijim, ja disa nga dosjet “përvëluese” që po heton SPAK dhe skema që ndoqën agjentët e BKH për të arrestuar Jorgo Goron, kryebashkiaku në detyrë i Himarës u përgjua 4 muaj rresht me metod...
Partizani parakalon Skënderbeun dhe barazon Kukësin në kryesim
Shkruar nga SOT.COM.AL 19 Mars 2017
Për herë të parë në këtë sezon, ku u deshën të kalonin 26 javë garë, Partizani ka marrë kryesimin e kategorisë Superiore. Ky është një fakt domethënës për të kuqtë dhe tifozerinë e tyre, pasi vihen në pozita favoriti për të fituar titullin kampion këtë sezon, plot 24 vjet pas suksesit të fundit në kampionat, pikërisht në vitin e largët 1993. Duhet thënë se kjo u mundësua nga fitorja e djeshme 2-0 ndaj Korabit, një fitore që e barazoi skuadrën e trajnerit Sulejman Starova në krye të tabelës me Kukësin, tashmë të dy në kuotën e 52 pikëve. Ardhja e Partizanit në krye të tabelës pas javës së 26-të shënon një moment kulmor të garës, pasi Skënderbeu bie në vend të tretë me 50 pikë dhe Kukësi ndjen presionin e të kuqve si bashkëkryesues, duke e bërë garën mjaft interesante. Këtu del në pah tashmë detaji dhe ai ekip që do të bëjë diferencën në detaje dhe në ndeshje direkte do të fitojë edhe titullin kampion. Padyshim, Kukësi dhe Partizani janë tani pretendentë, por nuk mund të anashkalohet Skënderbeu që do ta luajë ndeshjen e fundit të fazës së tretë pikërisht përballë të kuqve. Një duel direkt që do të thotë shumë për vazhdimësinë e garës.
Ndeshja
Partizani e shfrytëzoi maksimalisht asistin e marrë nga dueli direkt në Korçë vetëm 24 orë më parë dhe bëri detyrën përballë Korabit. Sfida me dibranët ishte një formalitet që të kuqtë e zgjidhën në harkun e dy minutave. Pas 30 minutave të vakëta në lojë, Partizani zhbllokoi rezultatin falë autogolit të Premçit. Ish-mbrojtësi i kuq ishte i pafat në topin e harkuar nga Fili, duke e dërguar në rrjetën e portës së tij. Për të mbyllur çdo diskutim mendoi Caleb Ekuban, që në të 32-ën bëri gjithçka mirë dhe me një goditje të saktë nga jashtë zonës mposhti për herë të dytë Laçin. E ndërsa portieri i Korabit provoi të mbante të tijtë në lojë, duke frenuar tentativën e Vilës, Ekuban e fali në sekondat shtesë të pjesës së parë, duke shpërdoruar një rast mjaft të mirë. Me fitoren që dukej e hipotekuar, trajneri Starova vendosi ti jepte shansin Xhevahir Sukaj të debutonte. Por, me të kuqtë që po luanin me sforco minimale (min 56 fili), Korabi dha sinjale se nuk ishte dorëzuar. Fillimisht me kapitenin Mziu që gaboi shënjestër dhe pas tij me Jubanin goditja e lehtë e të cilit vendosi për herë të parë në provë portierin Alban Hoxha. E ndërsa Sukaj u aktivizua mes ovacioneve të mbështetësve të kuq që nuk munguan, Korabi ishte pranë golit të nderit me Jubanin. Te Partizani, ishte traversa ajo që frenoi tentativën e mbrojtësit Ibraimi, ndërsa në 15 minutat e fundit Xhevahir Sukaj u mundua të bënte gjithçka për të shënuar. Pas më tepër se pesë muajve që nuk luante prej transferimit në kampionatin e Malajzisë, ku u rikuperua nga një dëmtim, sulmuesi kërkoi të shërbehej nga Boniface, Vila dhe Ekuban, të cilët vendosën të provonin zgjidhjet personale. Sukaj e mbylli ndeshjen me një karton të verdhë, por në fund e rëndësishme ishte fitorja që e ngjiti Partizanin në vendin e parë përkrah Kukësit në kuotën e 52 pikëve përkrah. Për herë të parë në këto 26 javë të Kategorisë Superiore, ku diferenca e vetme ndërmjet kryesuesve lidhet me golavarazhin më të mirë të veri-lindorëve, por edhe faktin se në tri ndeshje të luajtura midis tyre, Kukësi e ka fituar një duel direkt, mjaftueshëm për t’i marrë vendin e parë Partizanit nëse skuadrat e mbyllin garën me pikë të barabarta. Ndoshta edhe ky tregues bën diferencë dhe Kukësi do ta shfrytëzojë deri në fund këtë fakt domethënës. Pas kësaj jave, gara për titullin bëhet akoma më interesante, por është fakt i pamohueshëm që Partizani e parakaloi Skënderbeun dhe tani po sulmon kreun. Një garë mjaft e fortë që nuk kishte ndodhur në sezonet e mëparshme, ku Skënderbeu i Korçës bënte “ligjin” në Superiore, duke mos pasur rivalë dhe duke dominuar bindshëm garën.
Ndeshjet, java 26
Të premten
Skënderbeu-Kukësi 1-1
Të shtunën
Laçi-Flamurtari 1-0
Korabi-Partizani 0-2
Të dielën
Luftëtari-Tirana
Vllaznia-Teuta
Renditja
Kukësi 52
Partizani 52
Skënderbeu 50
Luftëtari 33
Vllaznia 31
Tirana 30
Teuta 27
Laçi 25
Flamurtari 22
Korabi 12
Adriatik BALLA