Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Partizani sqaron dëmtimin e Çanit, enigmë kur do të kthehet sulmuesi

Postuar: 18/08/2017 - 07:58

Partizani ka një shqetësim gjatë këtyre ditëve. Ai është sulmuesi Edgar Çani që ka nisur të stërvitet i diferencuar për shkak të një dëmtimi. Klubi kishte tentuar ta mbante të fshehtë këtë fakt, por mediat sportive e zbuluan se Çani mungonte dhe nuk ishte në gjendje të mirë dhe prej dy ditësh situata ishte e ndezur. Më në fund klubi i Partizanit reagoi dje për këtë situatë, duke pranuar më në fund edhe vetë se Edgar Çani vuan nga një dëmtim, por që sipas tyre dëmtimi është muskular dhe nuk paraqet problem për futbollistin dhe për objektivat e skuadrës. Duke ndjekur me vëmendje lajmet e publikuara së fundmi nga mediat e shkruara, klubi përcjell një deklaratë të mjekut të skuadrës doktor Dhimosten Gjini, nëpërmjet të cilës kërkon të informojë mediat dhe opinionin publik sportiv për gjendjen e Edgar Çanit. “Gjendja fizike që po kalon sulmuesi Çani është thjesht sforcim që ka ardhur për shkak të ngarkesës në stërvitje, fakt i cili është konstatuar edhe nga mjeku italian, i cili e ka operuar Çanin. Lojtari për disa ditë do të kryej një program atletik të diferencuar nga grupi për t’u riaftësuar, nën kujdesin e fizioterapistëve. Kjo është e vërteta në lidhje me gjendjen fizike të sulmuesit Çani”, shkruhet në faqen zyrtare në facebook të klubit të Partizanit. Por, nga sqarimi që ka bërë klubi i kuq për sulmuesin ka shumë “kleçka” që nuk marrin përgjigje. Së pari, klubi nuk e sqaron se kur Çani do të kthehet të stërvitet normalisht me pjesën tjetër të skuadrës apo në cilën periudhë ai do të jetë gati për të luajtur. E thënë ndryshe, Partizani foli dje për dëmtimin e Edgar Çanit, sipas tyre një dëmtim i lehtë, por nuk sqaroi se kur do të kalojë ky dëmtim i bomberit. Sa i përket dëmtimit, nuk u tha se në cilat rrethana u dëmtua Çani dhe pse ndodhi pikërisht me të mbërritur në Itali. Mos vallë Çani ishte dëmtuar që në ditën e parë të stërvitjes në Shqipëri? Natyrisht, këtë të vërtetë e di stafi teknik e mjekësor, por klubi i kuq dje, edhe pse doli me një komunikatë për mediat, se gjoja po sqaronte opinionin, vetëm sa e ngatërroi akoma më keq atë. Kryesorja e mbi të gjitha në sqarimin e Partizanit ka një “kleçkë” që lidhet me kohën e rikthimit të sulmuesit në formën e tij normale sportive. Mungesa e sqarimit për kohën ka ngritur pikëpyetje të mëdha për formën e Çanit dhe për disponueshmërinë e tij në fazën e parë të kampionatit për ekipin e Partizanit. Dyshohet se Çani ka një dëmtim të rëndë, por kjo mbetet të verifikohet në ditët në vijim. Duke qenë se skuadra është larg në Itali, klubi është përpjekur ta mbajë të fshehtë informacionin për lojtarin në fjalë, por është kujdesur gjithashtu të jetë hermetike për shumë zhvillime që shoqërojnë klubin e kuq në këtë periudhë përgatitore. Partizani ka bërë blerje cilësore këtë edicion në merkato, duke afruar disa lojtarë që kanë “pasaportë” mjaft interesante, me një karrierë në klubet italiane. Është pikërisht njeriu i merkatos, Luçiano Moxhi, ai që ka iniciuar këto lëvizje, duke besuar se futbollistët e ardhur, edhe pse nuk kishin pasur shumë minuta në ekipet e tyre në kategoritë e ndryshme të futbollit italian (kryesisht serie B), janë në gjendje të shkëlqejnë në kampionatin shqiptar. Natyrisht, nga shumë lojtarë të afruar Çani tërhoqi më shumë vëmendje, sepse ai është pjesë e skuadrës kombëtare të Shqipërisë. Vinte nga një sezon aktiv tek Piza, ku kishte shënuar disa gola, me eksperiencë në shumë klube brenda e jashtë Italisë dhe natyrisht për kushtet e kampionatit shqiptar ai shihet si futbollist që bën diferencë. Por dëmtimi ka ngritur disa pikëpyetje dhe vihet kështu në diskutim edhe aftësia e Partizanit për të qenë kampion në sezonin e ri.

Adriatik BALLA

/Agjensia e Lajmeve Sot News/

Na Beni Like Ne Facebook: 
Total votes: 13

Lajme nga e njejta kategori

Postuar: 19/09/2017 - 07:39

Një nga lojtarët shqiptarë që spikati në javën që lamë pas ishte padyshim mbrojtësi Ivan Balliu, i cili është pjesë e Metz në kampionatin francez të Ligue 1.

Postuar: 19/09/2017 - 07:34

Video Asisten Reffery (VAR) po prodhon polemika të mëdha. Përdorimi i teknologjisë në futboll, konkretisht ai i VAR, jo pak herë ka prodhuar debate.

Postuar: 19/09/2017 - 07:33

Më 6 tetor Shqipëria do të luajë kundër Spanjës në stadiumin e Hercules, i cili ka një kapacitet prej 30 mijë vendesh.

Postuar: 19/09/2017 - 07:33

Nuk kishte si të ndodhte ndryshe në gjykatën angleze. Kur kapesh i dehur në timon rrezikon patentën dhe kjo i ndodhi edhe sulmuesit Uejn Runi.

Postuar: 19/09/2017 - 07:32

Barcelona ka marrë një lajm vërtet të hidhur të hënën.

Postuar: 19/09/2017 - 07:30

Të tjera akuza vijnë në adresë të Federatës Shqiptare të Futbollit dhe funksionarëve të saj, sepse një prej lojtarëve të talentuar shqiptar që luan me Maqedoninë ka kujtuar se k

Postuar: 19/09/2017 - 07:27

Vlonjatët shënuan fitoren e parë në këtë kampionat pikërisht përballë Lushnjës në kuadër të javës së dytë, një ndeshje të cilën e fituan me vështirësi, pasi luajtën për gati 65