Përplasja e Xhakës me serbët, mediat e të gjithë botës fokusohen tek shqiptari

Zvicra triumfoi 3:2. Xhaka ishte shënjestër e fyerjeve si të lojtarëve serbë ashtu edhe të tifozëve serbë në tribuna. Madje Xhaka gjatë ndeshjes pati një konfrontim me lojtarët serbë, e po ashtu një fjalosje me bankinën e Serbisë. Në fund të ndeshjes Xhaka kishte festuar me fanellën e futbollistit të ri të Zvicrës, Ardon Jashari, kjo ishte parë si provokim nga serbët. Por Xhaka ka reaguar pas gjitha polemikave të shkaktuara në lidhje me veprimet e tij gjatë ndeshjes Zvicër-Serbi. “Ata që fokusohen më së miri janë relativisht imun ndaj turbulencave emocionale”, ka shkruar Xhaka në Instagram. Ka pasur edhe spekulime nëse FIFA do ta dënojë Xhakën në lidhje me veprimet e tij gjatë ndeshjes me Serbinë. Xherdan Shaqiri me golin e shënuar kundër Serbisë në fitoren 3:2 të Zvicrës, ishte futur në listën e rekordeve. Ai kishte arritur një gjë që e arritën vetëm Kristiano Ronaldo e Lionel Mesi, të shënojë gola në tre kampionate botërore. “Të jesh në një listë me emra të tillë është shumë e veçantë. Ata janë më të mirët në botë”, ka thënë Shaqiri raporton “Blick”. Shaqiri ishte mjaft i kërkuar nga gazetarët në stërvitje të dielën. Gati 50 gazetarë erdhën t’i bënin pyetje atij. Shumica e pyetjeve sillen rreth lojës me Serbinë. Ishte e veçantë kjo ndeshje edhe për Shaqirin. “Por e dija nga viti 2018 se çfarë më priste”, thotë Shaqiri. Si në Botërorin 2018 në Rusi, Shaqiri shënoi edhe në Katar kundër Serbisë. Në vend të shqiponjës dykrenore, ai në ndeshjen e së premtes brohoriti duke bërë më gisht tregues te emri tij, ndërsa para se të shënonte ishte fishkëllyer në çdo prekje të topit. “Kishte shumë emocione të përfshira, por isha i përqendruar në performancën time”, thotë Shaqiri. Shaqiri është pyetur edhe për Granit Xhakën dhe për festën e tij pas ndeshjes me fanellën e Ardon Jasharit.