BREAKING NEWS

BE pret të hapë fluturimet nga 15 Qershori, ç’do ndodhi me Shqipërinë

BE pret të hapë fluturimet nga 15 Qershori, ç’do ndodhi
x

Sport

Pjaniç zhgënjen PSG-në, largohet nga Juventusi vetëm për Barcelonën

Pjaniç zhgënjen PSG-në, largohet nga Juventusi vetëm

Barcelona është destinacion më i preferuar sesa Paris San Zhermen, të paktën kjo duket e vërtetë për mesfushorin e Juventusit, Miralem Pjaniç. Në fakt, PSG kishte shpresuar të arrinte të sigurojë shërbimet e Miralem Pjaniçit për sezonin e ardhshëm. Por mesfushori i Juventusit i ka të qarta planet e tij për të ardhmen. Sipas “Mundo Deportivo”, ai do të largohet nga Juventusi vetëm nëse shkon në Barcelonë. Barcelona dhe Juventusi kishin qenë në bisedime për të arritur marrëveshje për shkëmbim të lojtarëve, që do të rezultonte në transferimin e Pjaniçit në “Camp Nou”. Megjithatë, PSG-ja e komplikoi këtë marrëveshje, duke shprehur interesim për boshnjakun. Megjithatë, gazeta spanjolle “Mundo Deportivo” shkruan se Paris San Zhermen nuk ka asnjë mundësi ta sigurojë transferimin e Pjaniçit, pasi që i vetmi opsion që i intereson futbollistit është Barcelona. Sipas po të njëjtit medium. Pjaniç tashmë e ka marrë vendimin përfundimtar për të ardhmen e tij. Ai do të largohet nga Juventusi vetëm nëse transferohet në Barcelonë, përndryshe do të qëndrojë në “Allianz Stadium”. Boshnjaku e dëshiron transferimin në Barcelonë pasi që i pëlqen stili i lojës së katalanasve dhe mendon se do të përshtatej me atë stil, si dhe mendon se mund t’i ndihmojë Lionel Mesit, i cili është motivim shtesë për ta zgjedhur Barcelonën. Klubet si Paris San Zhermen, Çelsi dhe Mançester Junajtid raportohet se kanë shprehur interesim për të deri më tani, megjithatë tani raportohet se ai ua ka bërë të gjithave të qartë synimet e tij. Barcelona ka qenë e interesuar për Pjaniçin që një kohë të gjatë dhe së shpejti pritet t’i bëjë edhe ofertë zyrtare Juventusit për të, përderisa raportohet se Pjaniçit do t’i ofrojë kontratë katërvjeçare. Ndërkohë, Paris San Zhermen nuk ka humbur kohë. Duke parë se Pjaniç po e refuzon, klubi francez i ka hedhur sytë tek Arsenali në Premier League. Lajmin e ka bërë të ditur mediumi “Le10Sport”. “E ardhmja e sulmuesit gabonez ka mbetur pezull ndërsa kontrata e tij do të skadojë në vitin 2021”, shkruan mediumi sportiv francez. Deri tash nuk është bërë ndonjë përparim rreth vazhdimit eventual të kontratës së tij me “Gunners”. Nëse lojtari nuk pranon ta vazhdojë kontratën, Arsenali do të jetë i detyruar ta shesë atë gjatë verës që vjen, për të mos e humbur pa para pas një viti. Po ashtu, interesim për 30 vjeçarin kanë shfaqur edhe Barcelona, Interi e Çelsi. PSG-ja nga ana e saj e sheh Obamejangun si zëvendësues ideal të Edinson Kavanit, i cili do të largohet nga Franca pas përfundimit të këtij sezoni. Ndërkohë, në lidhje me Barcelonën, ku pretendohet të shkojë Pjaniç, gjatë pezullimit të futbollit si pasojë e koronavirusit, mesfushori i talentuar Frenki De Jong, e kaloi kohën në Holandë ku ka ushtruar i vetëm. Ai e çmon rikthimin në normalitet pasi tani mund të stërvitë bashkë me shokët e skuadrës. “Ndihem mirë. Kam ushtruar edhe në Holandë për ta ruajtur formën”, tha mesfushori holandez. “Është shumë mirë që jam rikthyer në fushë. Ndihem mirë por jo gati për të luajtur tani. Por mendoj se brenda pak javësh, ne do të jemi të gatshëm për të luajtur përsëri”, shtoi De Jong. La Liga pritet të rifillojë në fillim të muajit qershor, me Barçën që është lidere me dy pikë më shumë se Real Madridi pas 27 ndeshjeve.