BREAKING NEWS

Maturantët çohen në protestë para Qendrës për Shërbimin Arsimor, reagon 'flakë për flakë' ministrja Evis Kushi, tregon vendimin që pritet

Maturantët çohen në protestë para Qendrës për
x
BREAKING NEWS

Priten zhvillime të rëndësishme! Socialistët mbledhin sot Kongresin e jashtëzakonshëm në stadiumin “Air Albania”, rizgjidhen strukturat. Zbardhet e gjithë axhenda

Priten zhvillime të rëndësishme! Socialistët mbledhin sot
x
BREAKING NEWS

“Për të gjithë ata që i japin PS diçka sado të vogël”, Rama del me mesazhin e fuqishëm për të gjithë socialistët

“Për të gjithë ata që i japin PS diçka sado
x
BREAKING NEWS

PS mbledh sot Kongresin, paralajmërohet furtunë në parti dhe në administratë, emrat me më shumë vota drejt katapultimit në qeveri

PS mbledh sot Kongresin, paralajmërohet furtunë në parti dhe
x
BREAKING NEWS

Shantazhet e Berishës ndaj SHBA për të marrë PD, blof për të rritur pazarin, deputetët demokratë kundër rikthimit të tij

Shantazhet e Berishës ndaj SHBA për të marrë PD, blof
x

Sport

“Predha” e Cikalleshit nuk mjafton, kuqezinjtë humbasin miqësoren me Çekinë

“Predha” e Cikalleshit nuk mjafton, kuqezinjtë humbasin

Miqësorja e djeshme midis Çekisë dhe Shqipërisë, luajtur në Pragë, përfundoi me fitoren e çekëve 3-1, duke nxjerrë zbuluar defektet e skuadrës së trajnerit Edi Reja. Ky i fundit përsëriti “avazin” e vjetër, pasi u rrëzua sërish mbrëmë, duke shkaktuar panik tek stafi, ndërsa organizimi i lojës në ço repart lë për të dëshiruar.

Pjesa e parë

Ndeshja nisi me vrull për të dyja skuadrat, ku rastin e parë për shënim e patën çekët, por gjuajtja e tyre përfundon jashtë. Sidoqoftë, Reja ngrihet nga stoli me ulërima, duke kërkuar nga të tijtë të jenë të vëmendshëm. Më pas vjen radha e tanëve në tri raste, fillimisht me Cikalleshin e më pas me Veselin e Baren, por asnjëri prej tyre nuk gjen kuadratin. Rasti i parë i vërtetë i rrezikshëm në portën tonë regjistrohet në minutën e 14-të, ku Selmani shpëton kuqezinjtë nga goli. Por goli për çekët nuk do të vononte. Në minutën e 18-të është Shink që realizon pasi u asistua si duhet nga krahu i djathtë i sulmit. Topi i ardhur në gjysmëlartësi në hyrje të zonës gjeti zbuluar Shik që me një gjuajtje të majtë e të saktë e dërgon topin në rrjetë. 1-0 për Republikën Çeke dhe për kuqezinjtë gjërat nisin të bëhen të vështira. Janë plot 20 minuta lojë që flasin për ekipin vendas, i cili rrezikon në vijimësi, por ndërhyrjet e portierit Selmani evitojnë gola të tjerë. Sidoqoftë, atëherë kur shpresat dukeshin të humbura, shfaqet në fushë përvoja dhe forca e një lojtari që ka dhënë prova se i duhet Kombëtares. Sokol Cikalleshi lëshon një “predhë” nga 25 metra dhe topi përfundon në trekëndëshin e djathtë të portës së portierit çek, një supergol që barazoi shifrat 1-1. Me këtë rezultyat mbyllet fraksioni i parë i lojës.

Pjesa e dytë

20 minutat e para të pjesës së dytë flasin krejtësisht për çekët, që e dominuan ndeshjen me shumë raste shënimi, por Selmani u tregua në lartësinë e duhur duke evituar gola të sigurt. Në minutën e 57-të trajneri Edi Reja përsërit ngjarjen me Uellsin, duke u përplasur me një lojtar çek e duke u rrëzuar, duke tërhequr kështu vëmendjen. E megjithatë ngrihet duke buzëqeshur. Pas një rasti sporadik të tanëve, që Bare nuk e konkretizon si duhet, vjen momenti i golit për çekët, që realizuan në minutën e 68-të me anë të Masopust. Një pasim i saktë në të djathtë dhe në pozicion diagonal Masopust gjuan saktë duke shënuar golin e dytë. Reja nxjerr Manajn e Cikalleshin dhe aktivizon Balajn e Seferin. Shkodrani ka një rast ideal në minutën e 82-të, por në momentin e fundit ia heq topin një mbrojtës. Loja gjallërohet, por goli mungon. Në minutën e 89-të çekët godasin në kundërsulm, ku pasimit të saktë te Peshek iu përgjigj po saktë Celustka, që shënoi golin e tretë, duke i vënë “kapak” fitores së Republikës Çeke. Keidi Bare tenton në fund të bëjë gjithçka vetë, por ishte i pafat në juajtjen e tij. Si përfundim, këtë miqësore e fitoi Çekia me shifrat 3-1. Një barazim pa shumë shkëlqim ndaj Uellsit dhe një humbje ndoshta e pamerituar ndaj Çekisë, treguan se kuqezinjtë kanë probleme dhe trajneri Edi Reja duhet të nxjerrë mësimet e duhura. Skemat e tij taktike vijojnë të fusin “ujë”, ndërsa sulmi mbetet ende larg efikasiteit. Hiq “perlën” e Cikalleshit, të tjerët nuk janë produktivë dhe trajneri duhet të mendojë që tani për duelet zyrtare në shtator kundër Polonisë dhe Hungarisë.