Protestoi ndaj arbitrave, Disiplina dënon trajnerin e Bylisit me dy ndeshje

Ky edicion nuk ka qenë kaq i ashpër sa një vit më parë, edhe pse episode dhune ka pasur në ndonjë takim në të dy kategoritë kryesore të futbollit. Gjithsesi, ndëshkimet kanë qenë më të pakta, e kanë ndodhur kryesisht në duelet derbi mes Tiranës e Partizanit. Por nga vendimet e fundit të Komisionit të Disiplinës mësojmë se edhe në Ballsh zhvillohen tensione, s9idomos me arbitrat. Kështu, Komisioni i Disiplinës publikoi vendimet në lidhje me javën e fundit në futbollin shqiptar. Bie në sy pezullimi me dy ndeshje i trajnerit të Bylisit, Naxhi Shensoji për shkak të protestave ndaj vendimit të arbitrit në sfidën me Kastriotin. Sakaq, në vendimet e tjera të Disiplinës, e pëson edhe Kukësi që është gjobitur me shumën e 50.000 lekë për shkak të hedhjes së sendeve në fushën e lojës nga ana tifozerisë verilindore. Vendimet e plota të Komisionit të Disiplinës: - Zyrtari i KF Bylis, Naci Shensoi, për proteste ndaj vendimeve të arbitrit, në bazë të Nenit 55/2 të KDS, dënohet me pezullim nga aktiviteti për 2 (dy) ndeshje. – FK Kukësi, për sjellje të gabuar të spektatorëve, hedhjen e sendeve në terrenin sportiv, në bazë të nenit 65/1, 65/3/a dhe 65/3/c të KDS, dënohet me gjobë në masën 50.000 (pesëdhjetë mijë) lekë. – KF Egnatia U-21, për mosparaqitje të ekipit në ndeshjen “Vllaznia-Egnatia”, në bazë të nenit 54/1 i KDS, dënohet me humbjen e ndeshjes në tavolinë dhe zbritjen e 3 (tre) pikëve nga klasifikimi. – Pranimin e kërkesës së lojtarit të FC Djelmnia Shkodrane 2017, Albi Brojaj, pezullimin e pjesës së mbetur të dënimit. Periudha e pezullimit me kusht, në zbatim të nenit 32/4 të KDS, do të jetë 6 (gjashtë) muaj. Siç shihet, ndëshkimi i trajnerit të Bylisit Shensoi është lajmi i vetëm i madh nga vendimet e djeshme të Disiplinorit të FSHF-së. Por besohet se ky penalizim s’do të ketë efekt të gjatë negativ.