Publikohet mesazhi i fundit me zë i Maradonës, çfarë i kërkoi të dashurit të ish-partneres?

Vetëm pak orë më parë, mediat kanë publikuar audion e fundit të dërguar nga Diego Armando Maradon nëpërmjet aplikacionit Ëhatsapp.

Disa ditë para se të ndërronte jetë, Maradona i ka dërguar një mesazh audio Mario Baudry, të dashurit aktual të ish-partneres së tij, Veronica Ojeda.

Në audio, ish-futbollisti i kërkonte atij mbi të gjitha të kujdesej për djalin e tij të vogël, Dieguito Fernando.

“Përshëndetje Mario, jam Diego. E di që do të duket e pabesueshme për ty, por unë e shoh mirë Veron. Ajo më tha se është koha që të jetojë me ty. Kujdesu për të dhe për engjëllin tim, që nuk ka krahasim me asgjë. Unë kam shumë fëmijë, por ky do të m’i shtojë thinjat. Përqafime”, është shprehur Maradona në mesazh.

Hetimet për vdekjen e Diego Maradonës kanë pësuar një pikë kthese, mes dyshimeve se ylli i futbollit mund të ketë gjetur vdekjen nga neglizhenca mjekësore.