Qëndrimi/ Jakin vlerëson Xhakën e Shaqirin si lojtarë të domosdoshëm tek Zvicra

Në radhët e Zvicrës luanin në këtë Botëror të Katarit plot 3 lojtarë shqiptarë, Granit Xhaka, Xherdan Shaqiri, si dhe Ardon Jashari. Paraqitja e lojtarëve shqiptarë ka qenë mjaft e mirë dhe këtë e ka vlerësuar pozitivisht edhe stafi teknik i vetë Zvicrës. Kështu, trajneri i përfaqësueses së Zvicrës, Murat Yakin, ka folur për rëndësinë e Xherdan Shaqirit dhe Granit Xhakës te Zvicra. Ai ka thënë se është i kënaqur me paraqitjen e dy futbollistëve shqiptarë në të kaluarën, por edhe gjatë Botërorit në Katar. Shaqiri dhe Xhaka janë liderë te Zvicra. “Ka qenë një pikëpyetje e madhe për Shaqirin, sepse ai nuk kishte ndeshje të mira. Por, nuk isha i shqetësuar për këtë nëse e shihni se si ka luajtur ai. Për mua ai ishte shumë i rëndësishëm, kishte momente vendimtare. Ai luajti edhe një ndeshje testuese kundër Ganës. Këtë se vuri re askush. Xhaka kishte një rol qendror, ai udhëhoqi skuadrën. Ka punuar mirë në mbrojtje e sulm. Në përgjithësi, jam shumë i kënaqur me dy lojtarët”, ka thënë Yakin në konferencën e fundit në Katar. Kujtojmë që Zvicra u eliminua të martën mbrëma nga Portugalia në 1/8 e finales të Kupës së Botës. Xhaka e Shaqiri ishin ata që e kualifikuan Zvicrën nga grupet.