Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Riberi tërhiqet nga Bajerni pas 12 vjetësh, do t’i bashkohet Ksavit në Katar

Postuar: 16/04/2019 - 07:23

Bajerni i Mynihut regjistroi një fitore të madhe ditën e dielë përballë Fortuna Dyseldorfit, duke e mundur me rezultatin 4-1. Ishte një trepikësh me mjaft vlerë në një duel në transfertë, sukses që e bën Bajernin të rimarrë kryesimin e Bundesligës edhe pas javës së 29-të. Natyrisht, kur mbeten dhe 5 javë deri në përfundim të kampionatit, bavarezët udhëheqin garën me 67 pikë, një më shumë sesa Borusia e Dortmundit që ka 66 pikë. Megjithatë, fitorja e djeshme në transfertë jep shanse që Bajerni tani e tutje vetëm të menaxhojë epërsinë. Në kulmin e sezonit, vjen dhe një lajm që tërheq vëmendje. Mesfushori me tipare sulmuese, Frenk Riberi, lojtar polivalent dhe me një karrierë të spikatur në radhët e klubit gjerman, ka vendosur të tërhiqet në fund të sezonit, jo për të mbyllur karrierën e tij si futbollist aktiv, por për të kaluar në radhët e një klubi të ri, klub sheikësh, që do t’i japin mundësinë të fusë në xhep disa miliona dhe të luajë “për qejfin” e tij në këtë vite të fundit të karrierës së tij. Sikurse raportojnë edhe vetë mediat franceze, pas 12 viteve tek Bajerni i Mynihut, duket se aventura e Frenk Riberi me bavarezët ka mbërritur në fundin e saj. Me fanellën e gjigandëve bavarezë të Bundesligës, futbollisti francez, mes titujve të shumtë në kampionatin gjerman, ka triumfuar edhe njëherë në kompeticionin më madhor të klubeve, siç është Liga e Kampionëve. Vitet e fundit, 36-vjeçari është penalizuar nga dëmtimet e shpeshta që nuk e kanë lejuar të shprehet në fushën e lojës. Këtë sezon, sulmuesi ka shënuar vetëm 5 gola. Ndërkaq, Riberi nuk do të largohet përfundimisht nga futbolli aktiv, pasi për sulmuesin francez ofertat nuk mungojnë dhe sipas raportimeve të mediave gjermane, francezi ka arritur një marrëveshje për t’u transferuar në Katar. Më saktësisht bëhet fjalë për skuadrën e Al Sad Sport Club, në të cilën aktivizohet edhe ish-futbollisti i Barcelonës, Ksavi Hernandez. Nga ky transferim, gjithnjë nëse konfirmohet, Riberi do të përfitojë një kontratë me shumë zero nga mbrapa, pasi francezi do të ishte një vlerë e shtuar, pas Ksavit, në skuadrën nga Katari. Në të vërtetë, Ksavi zgjodhi të luajë në vendin arab pas ofertës së parezistueshme financiare, por e njëjta gjë do të vlejë edhe për Riberinë, i cili do të ketë një shans më shumë në karrierën e tij për të bërë para. Kuptohet, ai i paguar ka qenë edhe tek Bajerni, por me klubin gjerman nisën problemet e aktivizimit si pasojë e dëmtimeve të shumta. Kurse me skuadrën e Al Sadit do të ketë mundësinë të luajë titullar vazhdimisht dhe do të fitojë para në një kohë të shkurtër. Padyshim që kjo ofertë kishte kohë që kishte mbërritur në adresë të tij dhe para se të varë këpucët në gozhdë, Riberi do të provojë një eksperiencë të re në Lindjen e Mesme. Sheikët në rastin e tij janë të mirëpritur dhe francezi me të gjitha gjasat do të kalojë në Katar në muajin qershor.

Adriatik BALLA

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 21/04/2019 - 07:54

Premier League angleze po vijon të dhurojë surpriza dhe emocione të forta në këto javë të fundit të saj.

Postuar: 21/04/2019 - 07:52

Java e 30-të e kampionatit, Kategoria Superiore, nuk pati ndonjë surprizë të mirëfilltë, por mund

Postuar: 21/04/2019 - 07:51

 Ardhja dhe largimi i Kristian Panuçit shënoi një periudhë stanjacioni në përfaqësuesen e fu

Postuar: 20/04/2019 - 20:45

Juventusi shpallet kampion i Italisë për të tetën herë radhazi.

Postuar: 20/04/2019 - 14:25

Një fenomen i rrezikshëm ka ndodhur gjatë Interi-Atalanta në stadiumin “San Siro”.

Postuar: 20/04/2019 - 08:11

Liverpuli e Totenhemi ndodhen në gjysmëfinale të Ligës së Kampioneve, kurse Çelsi dhe

Postuar: 20/04/2019 - 07:47

Edoardo Reja u prezantua pak ditë më parë në krye të përfaqësueses së Shqipërisë, duke premtuar t