Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Ronaldo në lot dhe me të kuqe në “Mestaja”, Juve me 10 vetë shkatërron Valencian

Postuar: 20/09/2018 - 09:50

Kristiano Ronaldo e nisi me karton të kuq aventurën e tij në Champions League këtë edicion. Pas nëntë vjetësh me fanellën e Realit të Madridit, Ronaldo këtë sezon luan për Juventusin. Dhe “Zonja e Vjetër” ka ambicie për trofeun, duke qenë se ka krijuar një superskuadër. Mbrëmë në “Mestaja” të Spanjës, Juventusi u përball me Valencian, në duelin e parë të grupit H të UEFA Champions League. Ishte një ndeshje e tensionit të lartë, provokuar nga agresiviteti i tifozerisë vendase, por edhe rivaliteti i ashpër në fushë. kjo ndeshje bëri bujë sepse Ronaldo doli me karton të kuq në minutën e 29-të.

Një përplasje pa top me një mbrojtës kundërshtar dhe një lëvizje e dorës në nervozitet, ku i kërkon kundërshtarit të ngrihet në këmbë, u interpretua nga gjyqtarët si gjest antisportiv dhe për pasojë Ronaldo la fushën duke qarë. Deri në atë moment Juventusi pati tri raste të pastra shënimi, por dy herë Mandzukiç e një herë Khedira dështuan ta çonin topin në rrjetë. Kur Juve mbeti me 10 vetë Valencia rriti presionin në sulm, por në minutën e 45-të, spanjollët shkaktojnë penallti që shndërrohet në gol nga Pjaniç. Në pjesën e dytë ishte sërish Pjaniç që realizoi golin e dytë, edhe një herë tjetër nga pika e bardhë e penalltisë, duke i dhënë drejtim fitores së Juventusit.

Valencia rriti ndjeshëm forcën sulmuese, por nuk ia doli të çante mbrojtjen italiane. Madje në fund Valencia humbi një penallti. si përfundim fiton Juve 2-0. Po në këtë grup, Mançester Junajtid nuk e vuri në diskutim fitoren përballë modestëve të Jang Bojs në fushën e zviceranëve, duke fituar 3-0. Po mbrëmë, në grupin E, Bajerni i Mynihut nuk e diskutoi fitoren në Portugali përballë Benfikës 2-0, ndërsa Ajaksi shkatërroi AEK-un e Athinës 3-0. Në grupin F ndodhi edhe surpriza më e madhe, Mançester Siti pëson brenda në fushën e tij dy gola në pjesën e parë nga Lioni, duke tejkaluar çdo parashikim. Edhe pse ngushtoi në pjesën e dytë, Siti e humbi ndeshjen 1-2.

Në të njëjtin grup, ukrainasit e Shakhtarit barazuan 2-2 me Hofenheimin, duke krijuar një gjendje mjaft enigmatike që në startin e këtij grupi. Në grupin G, dueli më i fortë ishte ai midis Realit të Madridit dhe Romës, por u fitua thellë e pastër 3-0 nga “Los Blancos”. Isko shënoi ën fund të pjesës së parë, kurse në pjesën e dytë shënuan Bejl dhe Diaz. Dueli tjetër, Viktoria Plzen-CSKA Moskë përfundoi në barazim 2-2.

Grupi E

Benfika-Bajern            0-2

Ajaks-Aek Athinë       3-0

Grupi F

Shakhtar-Hofenheim   2-2

Mançester Siti-Lion                1-2

Grupi G

Real Madrid-Roma                 3-0

Viktoria Plzen-CSKA Moskë 2-2

Grupi H

Valencia-Juventus                               0-2

Jang Bojs-Mançester Junajtid             0-3

 

/Agjensia e Lajmeve Sot News/

Na Beni Like Ne Facebook: 
Total votes: 24

Lajme nga e njejta kategori

Postuar: 16/12/2018 - 23:23

 Në Spanjë, Barcelona arriti një tjetër fitore të thellë në transfertë. Katalanasit fituan në Valencia ndaj Levantes me rezultatin 5-0.

Postuar: 16/12/2018 - 19:04

Liverpooli ka fituar derbin anglez ndaj Manchester United me rezultat 3-1 në ndeshjen e vlefshme

Postuar: 16/12/2018 - 18:35

Liverpooli ka kaluar përsëri në epërsi ndaj Manchester Unitedit falë golit të bukur të Xherdan Sh

Postuar: 16/12/2018 - 16:19

Ndeshja e fundit në kampionat e Lacios ndaj Sampdorias, nuk ka rezultuar mjaft pozitive për gardi

Postuar: 16/12/2018 - 07:39

Kampionati anglez po dhuron emocione të bukura dhe spektakël javë pas jave, teksa dje Mançester S

Postuar: 16/12/2018 - 07:38

Kategoria Superiore po luan ndeshjet e javës së 17-të të saj, ku dje ranë në sy fitoret e ekipeve

Postuar: 16/12/2018 - 07:37

Një nga personalitetet e futbollit korçar dhe atij kombëtar, Dhimitraq Xhambazi, vijon të besojë