Gati të fundoset grupi organizator i biznesit të armëve në Gërdec, prokurorët pritet të marrin në duar faktet nga Drejtësia Amerikane, nisen letër-porositë në SHBA, informacione do të merren edhe për Patrick Henryn, ja lidhja e tij me Delijorgjin dhe S...
Daut Gumeni: Ja pse socialistët dhe Gentiana Sula bllokuan hapjen e dosjes së spiunit të Ilir Metajt, presim që ‘shiringa me ujë deti’ që u injektoi zyrtari i lartë i DASH prokurorëve të SPAK të sjellë arrestimin e ‘peshave të rënda’
Plas skandali, Kuvendi i Shqipërisë vihet nën akuzë për votimin pa kuorum të ligjit për Investimet Strategjike, ja si u shkallmua Kushtetuta nga mazhoranca, zbardhet mashtrimi
Pasuria e dyshimtë e “sheikut” të Kuvendit Laert Duraj që sfidon “ujqërit” e vjetër në politikë, banesë 200 mijë euro, 11 llogari bankare, fitime marramendëse nga qeratë, 180 mijë euro shitje pasurish, si i ka justifikuar milionat nga puna si emigrant,...
Ja pazaret e PS dhe Rithemelimit, si po mbrojnë korrupsionin e Klodian Allajbeut dhe Vilma Nushit, vjedhjet me “Hemodializën”, “Check Up”-in, “Laboratorët” dhe “Sterilizimin” janë të faktuara, priten arrestimet nga SPAK
Rama-Berisha ngrenë komision për të shkatërruar SPAK dhe Reformën në Drejtësi, ja pazaret e reja të “non-gratës” me kryeministrin për të bllokuar arrestimet
Plas skandali i Portit të Vlorës, ja si iu falën Samir Manes 57 mijë metra katror tokë, të implikuar 2 ministra, SPAK merr në dorëzim padinë për megaoligarkun e qeverisë
Gazetarja e njohur paralajmëron arrestime të bujshme në ditët në vijim, ja disa nga dosjet “përvëluese” që po heton SPAK dhe skema që ndoqën agjentët e BKH për të arrestuar Jorgo Goron, kryebashkiaku në detyrë i Himarës u përgjua 4 muaj rresht me metod...
Ronaldo rrëmben çmimin “Goal 50”, lë në hije Mesin e Nejmar
Shkruar nga SOT.COM.AL 15 Nëntor 2017
Kristiano Ronaldo është lojtari më i mirë në botë për vitin 2017. I ka fituar shumicën e çmimeve dhe trofeve dhe i mbetet edhe një i fundit dhe në fakt më i madhi, “Topi i Artë”, që jepet nga “France Football”. Portugezi mori dje çmimin e radhës së futbollistit më të mirë, pikërisht nga tabloidi ndërkombëtar sportiv “Goal.com”, i cili kishte marrë në analizë me dhjetëra futbollistë e në fund zgjodhi 50 më të mirët e ku portugezi Ronaldo zuri vendin e parë, duke lënë në hije Mesin e Nejmar që nuk u radhitën as në treshen e parë të votimit. Gazetarët nga 37 edicionet e “Goal” nga vende të ndryshme të botës kanë votuar për 50 më të mirët në 10 vjetorin e çmimit për 50 futbollistët më të mirë në botë. Kështu, ylli i Real Madridit dhe Portugalisë, Kristiano Ronaldo, e ka fituar çmimin “Goal 50” si lojtari më i mirë për vitin 2017, i ndarë nga ueb-sajti ndërkombëtar i lajmeve nga futbollit, “Goal.com”. Sulmuesi 32-vjeçar e mbrojti titullin pasi e ndihmoi Real Madridin ta fitojë Ligën e Kampionëve për të dytën herë më radhë, si dhe La Ligën. Ronaldo e mposhti portierin e Juventusit, Xhixhi Bufon, Luka Modriçin dhe Lionel Mesin për ta fituar çmimin e lojtarit më të mirë në botë në 12 muajt e kaluar, sipas vlerësimit të gazetarëve të “Goal.com”. Ronaldo i shënoi 25 gola në 29 paraqitje në triumfin e Realit në La Liga, por ishte Liga e Kampionëve ajo në të cilën portugezi shpëlqeu përsëri. Mesi, i cili ka pasur statistikat më të mira individuale gjatë 12 muajve të fundit, është vlerësuar vetëm si i katërti në botë nga Goal.com, për shkak të mungesës së titujve, përveç të “Copa Del Rey”. Lojtarë të mëdhenj që nuk kanë zënë vend në top 50 janë Gareth Bale, Andres Iniesta, Arjen Robben, Kevin de Bryjn dhe Serxhio Aguerro. Pas një starti jo të lehtë këtë sezon me Realin e Madridit ylli i “Los Blancos”, Kristiano Ronaldo duket se tashmë ka dalë me letra të hapura duke refuzuar të nënshkruajë kontratën e re që do të zgjaste qëndrimin e tij në “Bernabeu”. Siç u përfol para disa ditësh portugezi nuk kishte ndërmend ta firmoste kontratën e re, duke i qëndruar asaj aktuale e që përfundon në vitin 2021, por tashmë mësohet se kushtet e yllit 32-vjeçar kanë ndryshuar. Një Ronaldo i nervozuar, siç raportojnë mediat spanjolle, i ka komunikuar presidentit Florentino Perez vendimin për t’u larguar nga klubi mbretëror që në fund të këtij sezoni, përkatësisht në 30 qershor, për një çmim të arsyeshëm siç ai vetë e ka cilësuar termin financiar. Arsye që ka ndikuar në vendimin e prere të yllit portugez duket të jetë fakti se ai nuk ndihet më i vlerësuar në ambientet e “Santiago Bernabeut”. Më poshtë paraqitet lista me 20 lojtarët që u renditën të parët nga 50 gjithsej të vlerësuar nga “goal.com”.
20 më të mirët nga lista “Goal 50”
1. Cristiano Ronaldo
2. Gianluigi Buffon
3. Luka Modric
4. Lionel Messi
5. Sergio Ramos
6. Neymar
7. Kylian Mbappe
8. N'Golo Kante
9. Paulo Dybala
10. Toni Kroos
11. Marcelo
12. Eden Hazard
13. Isco
14. Dani Alves
15. Leonardo Bonucci
16. Thiago Alcantara
17. Harry Kane
18. Pierre-Emerick Aubameyang
19. Robert Leëandoëski
20. Luis Suarez
Adriatik BALLA