Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Sadiku gjen klubin e ri, në janar te Zyrihu

Sadiku gjen klubin e ri, në janar te Zyrihu

Postuar: 14/11/2013 - 09:06

Sulmuesi i Kombëtares tonë Armando Sadiku, i cili nga viti 2012 ka luajtur për Luganon, në Challenge Ligue (Liga e dytë e Zvicrës) , nga janari i vitit të ardhshëm do të kalojë në FC Zyrih, njërin ndër klubet më të mira të Superligës zvicerane. Këtë avancim Sadiku e ka merituar duke qenë golashënues rekord i ligës ku ka luajtur deri më tash. Në 82 ndeshjet e luajtura ai ka shënuar 52 gola. Kontrata me Luganon, sulmuesit 22 vjeçar i kalon në janar 2014, kur ai pritet të bartë valixhet për në Cyrih. Në marrëveshjen në mes të dy klubeve është futur edhe klauzola sipas të cilës, në rast se Sadiku shitet më vonë nga FC Zyrihu për ndonjë klub tjetër, duhet të përfitojë edhe klubi nga Lugano, transmeton albinfo. Armando Sadiku luan edhe për kombëtaren e Shqipërisë, ku deri më tash ka zhvilluar nëntë ndeshje. Për Luganon ai luan nga fillimi i vitit 2012, dhe ka qenë golgeteri më i mirë i ligës në të dy sezonet që ka mbrojtur ngjyrat e këtij klubi. Para Luganos ai ka qenë i angazhuar në klubin tjetër të Tesinës, në Lokarno. Sulmuesi do të jetë titullar në miqësoren që Shqipëria do të luajë ndaj Bjellorusisë më 15 nëntor. Në fakt nuk është e sigurt, pavarësisht se ndodhet në listë si i ftuar nga De Biazi. Por në disa skema taktike të trajnerit ai ka figuruar si lojtar titullar në sulm së bashku me Edgar Çanin. Mundet që të futet edhe zi zëvendësues. Sidoqoftë, për Sadikun ka rëndësi që De Biazi e riktheu në Kombëtare dhe elbasanasi do të japë tashmë kontributin e tij.

Kombëtarja/ Federata bileta falas për tifozët

Federata Shqiptare e Futbollit ka vendosur që tifozët shqiptarë që duan të ndjekin ndeshjen m iqësore midis Shqipërisë dhe Bjellorusisë, ta shikojnë atë falas. Për këtë arsye FSHF ka nxjerrë një njoftim në sajtin zyrtar, ku njofton edhe për mënyrën se si duhet ndjekur procedura. “Ndeshja miqësore kundër Bjellorusisë, që do të luhet në stadiumin “Akdeniz”, të Antalias, më datë 15 nëntor në orën 18.00 (sipas orës lokale), do të mund të shihet falas, nga sportdashësit shqiptarë që banojnë apo studiojnë në Turqi. Federata Shqiptare e Futbollit, me dëshirën e mirë për t’i krijuar mundësinë tifozëve shqiptarë që të jenë sa më pranë, idhujve të tyre të kombëtares së futbollit, ka vendosur që cilido shqiptar që do të shkojë në stadium, mund të pajiset me biletë falas. Të interesuarit, mund të komunikojnë me bashkëpunëtorin e Federatës Shqiptare të Futbollit, Kenan Kurtes me qendër në Antalia (cel: 00 90 533 923 8601). Gjithashtu ata mund të kontaktojnë edhe Shoqatën e Studentëve Shqiptarë në Turqi (me qendër në Stamboll) me përgjegjës A. Bulkun. E njëjta gjë vlen për të gjithë shqiptarët kudo që ndodhen dhe kanë dëshirë ta shohin këtë ndeshje dhe të jenë pranë tyre”, thuhet në njoftimin e FSHF-së.

Takimi/ Ndeshja e Shpresave më 14 nëntor

Skuadra kombëtare U-21 e drejtuar nga trajneri Skënder Gega pritet të luajë sot në orën 17:00 ndaj Hungarisë, në kuadër të eliminatoreve të kampionatit të ardhshëm europian. Skuadra jonë nuk ka fituar asnjë ndeshje deri tani në grupin e katërt dhe madje nuk ka regjistruar asnjë barazim, gjë që e ka vënë para presionit të mediave dhe të tifozëve. Elementë cilësorë skuadra ka, por në shumë takime asaj i ka munguar dhe fati për të dalë fituese. Këtë herë trajneri Gega ka marrë në skuadër talentin 20-vjeçar Ergys Kaçe, me shpresën se do të mund të realizojë një rezultat pozitiv, jo për të bërë ndryshime të mëdha në renditje, por për të shënuar të paktën një rezultat pozitiv në këto eliminatore. Adriatik BALLA

 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 23/08/2019 - 23:13

Lajmi kishte qarkulluar prej kohësh, por nuk kishte ende një konfirmim. Tashmë Interi e ka bërë zyrtare. Mauro Icardi pas shiritit të kapitenit ka humbur edhe fanellën me numër 9.

Postuar: 23/08/2019 - 22:10

Kukësi ka fituar me rezultatin 1-0 ndaj Partizanit falë golit të sulmuesit Vasil Shkurtaj.

Postuar: 23/08/2019 - 16:36

Pas shumë e shumë spekulimeve më në fund është vendosur përfundimisht se ku do të luajë Elseid Hy

Postuar: 23/08/2019 - 07:49

Barcelona pa Lionel Mesin nuk mund të quhet skuadër e kompletuar.

Postuar: 23/08/2019 - 07:47

Trajneri Shpëtim Duro është gati për të përballuar sfidat e sezonit të ri.

Postuar: 23/08/2019 - 07:45

Lojtarët kuqezinj në Europë po përpiqen të krijojnë profilin e tyre të suksesit, të bazuar në kua

Postuar: 22/08/2019 - 18:41

Bota e sportit është tronditur ditën e sotme teksa ka marrë lajmin se 25-vjeçarja Margarita Plavu