Salah hodhi “benzinë zjarrit” kur kujtoi dështimet e Liverpulit, trajneri Klop: Është kohë reflektimesh

Liverpuli ishte një nga skuadrat më të dobëta në Premier League këtë sezon, duke kos i arritur objektivat e veta. Sidomos kjo e krahasuar me ambiciet që kishte klubi dhe vetë objektivat që kishte shpalosur stafi teknik me në krye teknikun gjerman Jurgen Klop. Duhet thënë se “resat| anglezë dështuan këtë vit në të gjitha frontet, duke qenë në ditën më të keqe të tyre gjatë viteve të fundit, ose më saktë gjatë erës Klop. Tekniku nuk ka dhënë dorëheqjen, pret të mbyllet sezoni e të shpalosë platformën e vet për të dalë nga situata, ku Liverpulit i duhen përforcime urgjente dhe të ndryshojë strategji. Por nuk ka vetëm kritika nga jashtë. Mediat britanike mësojnë se disa lojtarë janë të pakënaqur dhe këtë pakënaqësi e kanë shprehur publikisht në media. Diçka e tillë duket se e ka bezdisur Klopin që i ka marrë me ironi deklaratat e lojtarëve, aq sa për të larguar vëmendjen nga kriza e brendshme, ka deklaruar se do të bëjë çmos që situata të ndryshojë në favor të Liverpulit dhe madje ka shprehur optimizëm për të dalë nga kjo gjendje. Kështu, Jurgen Klop, trajner i Liverpulit, u pyet në lidhje me reagimin e sulmuesit egjiptian, Mohamed Salah, i cili pranoi se ishte “i shkatërruar” dhe tha se nuk kishte “asnjë justifikim” për dështimin në Champions. “Është krejtësisht normale. Ishte një përshkrim normal i asaj që po ndjeja. Ai ka të drejtë, kjo nuk është koha më e mirë për mesazhe optimizmi. Por sot e pashë në kafene dhe po buzëqeshte. Nuk e di pse, nuk pyeta, por isha në humor të mirë”, reagoi Klop. “Ne e dimë që kjo nuk do të ishte një kohë e mirë për ne. Dhe në këtë rrugë gjithmonë kemi thënë se nuk jemi aspak të lumtur. Bëmë gabime dhe nuk ishim në gjendje të reagonim, se nuk ishim mjaftueshëm konsistencë”, nënvizoi ai. Trajneri gjerman, gjithsesi, sheh dhe nota pozitive në sezonin e Liverpulit. “Në dhomat e zhveshjes është një atmosferë e mirë, mësuam të përballemi me dështimet, nuk pati ndarje mes trajnerit dhe lojtarëve, as nuk ia drejtuam gishtin askujt. Nëse nuk kualifikoheshim në Champions League, më e mira që mund të arrinim do të ishte vendi i 5-të dhe këtë bëmë. Nëse do të më pyesnit dhjetë ndeshje më parë nëse do të ishte e mundur, do të përgjigjesha jo. Por lojtarët u përgjigjën mirë dhe nuk ishte për shkak të dhjetë ndeshjeve të fundit që ne përfunduam në vendin e 5-të, por për shkak të mungesës së qëndrueshmërisë që kishim më parë. Po, kemi bërë autokritikë, por nuk ka arsye të ulim kokën dhe të qëndrojmë kështu deri në fillim të sezonit të ardhshëm. Marr shumë sinjale të mira dhe kjo është ajo që do të çoj në sezonin e ardhshëm”, përfundoi Klop.