Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Shpërthejnë tifozët e gjirokastrës ndaj drejtuesve: Turp! Disa bastexhinj nxinë një qytet të tërë

Postuar: 21/07/2018 - 07:21

Pas ndeshjes historike, që ekipi i Luftëtarit zhvilloi mbrëmjen e së enjtes në stadiumin “Elbasan Arena”, me letonezët e Ventspils, takim i cili përfundoi me rezultatin final 3-3, ka bërë që tifozët bluzin, të shpërthejnë në akuza ndaj drejtuesve të tyre. Rezultati i takimit të parë në Letoni, 5-0 nuk linte vend që tifozët të shpresonin për ndonjë kualifikim të mundshëm. Por në ndeshjen ku ata shpresonin që ekipi i zemrës së tyre të jepte spektaklël duke qenë se ata luanin pa presion, i zhgënjeu tifozët. Pas ndeshjes ata kanë akuzuar drejtuesit e klubit se kanë shitur ndeshjet për interesat e tyre. Sipas tifozëve gjirokastrite nuk kishte nevojë për shumë komente, goli i tretë i Ventspils, por edhe episode të tjera të ndeshjes të së enjtes në Elbasan. Tifozën nëpërmjet një postimi në faqen e tyre në “Facebook” thonë se të gjitha këto episode vërtetuan turpin e Luftëtarit, që në pjesëmarrjen e tij historike në Kupat e Europës, i vuri një njollë të rëndë emrit të vet. Tetë gola të pësuar në dy ndeshje flasin qartë.

Kuptohet, jo vetë ekipi, por ata që e komandojnë atë. Irritimi i tifozëve të Luftëtarit ka qenë i madh. Ata kanë qenë të papërmbajtshëm pas ndeshjes, duke akuzuar direkt drejtuesit për trukim të rezultatit. Presidenti Tavo ka kërkuar që njerëzit ta lënë rehat në punën e tij, ndërsa trajneri slloven ka pohuar se nuk ka dyshime te lojtarët. Pamjet e ndeshjes flasin qartë dhe tifozët kanë shumë të drejtë në komentet e tyre. Ata shprehen se ua kanë shëmtuar ekipin e tyre të bukur disa bastexhinj. “Ehh, Luftëtari im i bukur, sot ty të shëmtuan disa bastexhinj e disa njerëz që shohin vetëm interesin e tyre dhe nuk i bëhet vonë për këtë qytet, për këtë ekip dhe për këtë fanelë që për disa persona është e shenjtë. Ndërsa disa të tjerëve nuk u plas fare. Na vjen turp dhe inat që sot dëgjoj të shajnë këtë Luftëtar, që me thjeshtësinë dhe më lojën e bukur përgjatë të gjithë kampionatit, u bë një nga ekipet që e adhuronin shumë tifozë në Shqipëri. Por sot ai ekip që deri dje adhurohej ka rënë në duart e disa ujqërve të etur për interesat e tyre. Këto ujqër nxinë jo vetëm ekipin por një qytet të tërë”, shkruhej në faqen e ultrasve bluzinj.

Dyshime dhe të huajt

Gjatë dhe pas ndeshjes të së enjtes mes Luftëtarit dhe Ventspils, nuk janë vetëm tek tifozët e Luftëtarit, apo dhe tek ata që kuptojnë luhatjet e koeficienteve në vendin tonë që menduan se ndeshja e gjirokastritëve ishte e trukuar. Mjafton të futesh në rrjetet sociale dhe në të gjitha faqet ndërkombëtare ku diskutohet për bastet online, që të shohësh se ka komente të ndryshme që arrijnë në të njëjtin përfundim. Tifozët e shumtë nga vende të ndryshme të botës e kanë cilësuar ndeshjen të trukuar edhe pa parë asnjë minutë të saj, thjesht duke krahasuar luhatjet e koeficienteve, shpeshherë në mënyrë absurde, me veprimet në fushën e lojës. Ajo që bindi më shumë të gjithë ishte fakti se si Luftëtari pësoi gol në minutën e 93-të të takimit. Koeficientet që ofronin kompanitë ndërkombëtare në minutën e 88 për një gol të miqve ishin në mënyrë qesharake të ulëta, pasi atyre as u nevojitej goli. Kjo tregonte se po viheshin baste të mëdha se pritej një gol nga letonezët, siç erdhi më pas në ndeshje pasi mbrojtja e Luftëtarit u përgjum në mënyrë të çuditshme. Disa tifozë kanë kërkuar që ndeshja në fjalë të hetohet, pasi është prova konkrete se si manipulohet rezultati i një takimi./ 

/Agjensia e Lajmeve Sot News/

Na Beni Like Ne Facebook: 
Total votes: 4

Lajme nga e njejta kategori

Postuar: 16/08/2018 - 07:23

 Hoze Murinjo i kishte kërkuar klubit të Mançester Junajtid që të negocionte dhe në fund të sillte tek “Djajtë e kuq” anglezë pesë lojtarë cilësorë, por në fund klubi nuk ia përmbushi kërkesën, duke s

Postuar: 16/08/2018 - 07:21

Kukësi do të kërkojë sot në mbrëmje përmbysjen e madhe ndaj Torpedos gjeorgjiane, kui ndeshja e p

Postuar: 16/08/2018 - 07:19

 Tirana festoi dje 98-vjetorin e themelimit të saj.

Postuar: 15/08/2018 - 23:42

Atletico Madridi me rezultatin 4-2 është shpallur fituesi i Superkupës së Europës.

Postuar: 15/08/2018 - 23:03

 Nuk ka fitues të Superkupës së Europës gjatë kohës së rregullt, me Realin e Madridit dhe At

Postuar: 15/08/2018 - 20:27

Sot në orën 21:00 vëmendja e futbollit botëror zhvendoset në Talin, ku do të zhvillohet superndes

Postuar: 15/08/2018 - 19:21

Jo vetëm një mundësi për të përfituar nga prania e Cristiano Ronaldos në Seria A, por edhe një rr