Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Shqipëria reagon, fitore zemre ndaj Moldavisë, rihapen shpresat për kualifikim

Postuar: 12/06/2019 - 07:25

Shqipëria fitoi mbrëmë me Moldavinë 2-0 dhe mori një trepikësh me vlera për rrugëtimin e saj në këto kualifikuese të Euro-2020, grupi H. Ishte një fitore zemre e kuqezinjve, megjithëse loja la për të dëshiruar në mjaft aspekte të saj. Megjithatë, falë edhe një kundërshtari jo shumë cilësor, Shqipëria ia del të m,arrë një trepikësh domethënës në këtë rrugëtim, duke siguruar më në fund një fitore pas shumë kohësh. Sa i takon ndeshjes, kuqezinjtë zbritën në fushën e stadiumit “Elbasan Arena” me ndryshime të shumta. Duket se trajneri Reja kishte vendosur të mos i besonte në sulm dyshes së gjatë Balaj-Cikalleshi që i aktivizoi me Islandën, prandaj këtë herë nga minuta e parë zbritën në tapetin e blertë Sadiku dhe Uzuni, mbështetur nga krahët prej Lenjanit në të majtë dhe Hysajt në të djathtë. Në qendër të mesfushës u rreshtuan Ramadani, Kaçe dhe Abrashi. Kurse në repartin e mbrojtjes ishte treshja shtatlartë Veseli, Ismalaj dhe në qendër Mavraj, i cili mbante dhe shiritin e kapitenit. Pavarësisht ndryshimit në emra, Edi Reja nuk hoqi dorë nga skema taktike 3-5-2, një skemë që këtë herë nuk funksionoi aq mirë, të paktën jo në pjesën e parë të ndeshjes. Dhe me të vërtetë, pjesa e parë e ndeshjes nuk prodhoi rezultat, u mbyll në barazim 0-0. Ishte ndeshje e vaktë në aspektin e spektaklit dhe të emocionit, pavarësisht se Shqipëria e trajnerit Edi Reja e dominoi takimin. Daljet në të djathtë të Hysajt dhe në të majtë të Lenjanit sollën topa mjaftueshëm në zonë, por Uzuni dhe Sadiku nuk shënjestruan si duhet kuadratin. Madje edhe Hysaj e Lenjani humbën raste të mira shënimi. Padyshim, nga pjesa e parë është për t’u përmendur rasti i minutës së 24-t, ku Armando Sadiku gjuan nga vendi në hyrje të zonës, por portieri mik grushtoi. Lenjani që ndoqi aksionin, fare afër dhe i vetëm, u vonua në gjuajtje dhe i ndërhynë mbrojtësit duke i larguar topin. Në tërësi Shqipëria e dominoi takimin, ndërsa moldavët nuk erdhën asnjëherë seriozisht në portë. Në pjesën e dytë, dhjetë minutat e para të saj, kuqezinjtë ishin të çorganizuar në sulm. Mungesa e golit i bënte agresivë në vijën e parë, por të hutuar dhe pa shumë ide, duke bërë që kundërshtari, edhe pse me cilësi të paktë, të ishte dukshëm superior në aspektin psikologjik, pasi u organizua shumë mirë. Madje në dy kundërsulme të shpejta moldavët mund të kishin surprizuar nëse gjuajtjet e sulmuesve të saj nuk do të përfundonin jashtë kuadratit. Reja vendos të ndërhyjë në formacion, duke futur në fushë Roshin në vend të Lenjanit. Loja gjallërohet në krahun e majtë. Duhej të vinte minuta e 65-të, kur Roshi të shpërthente në krahun e majtë, të futej në zonë dhe të jepte asist për Cikalleshin, që u fut gjithashtu në pjesën e dytë, i cili nuk fal dhe i jep qetësi skuadrës me golin e tij. Minutat në vijim Moldavia del përpara dhe shton forcat për të barazuar shifrat. Madje krijon disa raste të rrezikshme, por mbrojtja kuqezi largon si duhet. Me kalimin e minutave moldavët nisin të dalin përpara me forca të shtuara, madje dhe me portierin shtatlartë, por mbrojtja e Kombëtares tonë reziston. Në minutën e parë shtesë nga 5 minuta gjithsej të dhëna nga arbitri, ishte Ylber Ramadani që pasi shmang dy mbrojtës në hyrje të zonës lëshon një “predhë” të fuqishme dhe realizon një gol mjaft të bukur, me një gjuajtje topazi në trekëndëshin e djathtë të portës së Moldavisë. Me këtë gol shpresat e moldavëve për të dalë me pikë shuhen përfundimisht, kështu që skuadra kuqezi ia doli të fitojë me rezultatin 2-0, duke marrë një trepikësh me mjaft vlera në rrugëtimin e saj në këto eliminatore, pasi rivalët si Islanda dhe Andorra do t’i presë në fushën tonë, ndërkohë që do të ketë nga një duel direkt në transfertë ndaj Turqisë dhe Moldavisë, pa harruar dy duelet vendimtare me Francën që luhen në vjeshtë. Festa e trajnerit Edi Reja në fund të takimit ishte më domethënëse se çdo gjë tjetër. Kombëtarja fitoi, me meritë padyshim, por kjo skuadër ka probleme. Edhe pse në ndryshim nga Panuçi ky ekip po fiton, luan më kthjellët dhe më me dëshirë, sërish i duhet shumë punë të realizojë objektivat. Fitorja e Islandës ndaj Turqisë mbrëmjen e djeshme i ka komplikuar së tepërmi pozitat e skuadrave në grupin H, ku Franca, Turqia dhe Islanda kryesojnë me nga 9 pikë secila, kurse Shqipëria renditet në vend të katërt me 6 pikë, duke lënë pas Moldavinë me 3 pikë dhe Andorrën me zero pikë.

Adriatik BALLA

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 17/09/2019 - 13:53

Champions League kthehet sonte në mbrëmje për fazën e parë të ndeshjeve në grupe. Liverpuli që mban akoma titullin e kampionit në këtë kompeticioni do të luajë në transfertë me skuadrën e Napolit.

Postuar: 17/09/2019 - 07:23

Mançester Siti nuk e ka vrullin e një sezoni më parë, as sharmin e performancës së vjetshme, ku n

Postuar: 17/09/2019 - 07:22

Tirana ka grumbulluar 10 pikë në katër javët e para të kampionatit të ri, duke qenë në vend të pa

Postuar: 17/09/2019 - 07:20

Shqipëria luajti dy ndeshje këtë muaj në kuadër të eliminatoreve të Euro-2020, Grupi H, duke humb

Postuar: 16/09/2019 - 23:38

Lionel Messi është përfshirë në listën e Barcelonës për ndeshjen kundër Borussia Dortmund, por Er

Postuar: 16/09/2019 - 16:46

Asambleja e Përgjithshme e Real Madridit solli dhe përplasje të forta.

Postuar: 16/09/2019 - 16:12

Ai është shndërruar në lojtarin më të ri që shënon në La Liga dhe ofertat për Ansu Fati tai janë