BREAKING NEWS

Vijojnë përpjekjet! Pasi marrin udhëzimet nga Yuri Kim, përfaqësuesit e Këshillit Politik bëjnë një tjetër lëvizje

Vijojnë përpjekjet! Pasi marrin udhëzimet nga Yuri Kim,
x

Sport

“Shqiptari qyqar”, mediat serbe ‘shpërthejnë’ kundër Granit Xhakës: Ka frikë të ballafaqohet me tifozët e tij! (Foto)

“Shqiptari qyqar”, mediat serbe ‘shpërthejnë’

Ngjarja me tifozët e Arsenalit në ndeshjen e 27 tetorit kundër Crystal Palace ka sjellë reagime të shumta. Futbollisti me origjinë shqiptare Granit Xhaka është komentuar edhe nga mediat serbe.

Në artikullin e fundit shkruar nga gazeta “Informeri”, Xhaka është cilësuar si “siptarska kukavica”, që do të thotë “shqiptari qyqar”. Media serbe shkruan se Xhaka ka frikë të ballafaqohet me tifozët e tij, pas incidentit të ndodhur në lojën kundër Kristal Palas.

Trajneri i Arsenalit, Unai Emeri tha se Granit Xhaka ka kërkuar të mos luajë në ndeshjen e ardhshme kundër Lesterit. Kjo pasi Xhaka u përlesh me tifozët e Arsenalit në ndeshjen e 27 tetorit kundër Crystal Palace. Përleshja e tij me tifozët ndodhi sepse ata fërshëllyen kundër tij duke i thënë se po luan dobet dhe ai iu përvesh tifozëve duke bërë gjeste të ndryshme. Më pas ai ka hequr fanellën e tij rrugës për në tunel. “Unë fola me të për mënyrën sesi ndihet tani, sepse po bën të pamundurën dhe po stërvitet mirë. Ai më tha që nuk ishte në gjendje të luante për momentin dhe ne do ta presim atë”, tha për mediat trajneri Emeri.

Lesteri do të presë nesër në raundin e 12-të të Premier League. Lester aktualisht është i treti në tabelë me 23 pikë, ndërsa Arsenali është i pesti me gjashtë pikë më pak.