Ilir Demalia zbardh kulisat: Ju tregoj kurthin që Edi Rama po i ngre ‘Rithemelimit’, arsyet e vërteta të distancimit të grupit të Bardhit nga Lulzim Basha, panikun që ka shpërthyer brenda tyre dhe lajmet e hidhura që e presin Sali Berishën
Idajet Beqiri: Kanë mbaruar hetimet për dosjen ‘CEZ-DIA’, përveç Metës, Berishës dhe Shkëlzenit rrezikon prangat një juriste amerikane, ish-presidenti po përgatitet për ditët e zeza në SPAK, ja strategjia që po ndjek për të shpëtuar nga arresti me burg...
Rama-Meta-Berisha ulen bashkë në tryezën e pazarit për të monitoruar SPAK dhe përmbysur reformën në drejtësi, ja pse është alarmuar “Treknëdëshi i Bermudës”
Gati të fundoset grupi organizator i biznesit të armëve në Gërdec, prokurorët pritet të marrin në duar faktet nga Drejtësia Amerikane, nisen letër-porositë në SHBA, informacione do të merren edhe për Patrick Henryn, ja lidhja e tij me Delijorgjin dhe S...
Daut Gumeni: Ja pse socialistët dhe Gentiana Sula bllokuan hapjen e dosjes së spiunit të Ilir Metajt, presim që ‘shiringa me ujë deti’ që u injektoi zyrtari i lartë i DASH prokurorëve të SPAK të sjellë arrestimin e ‘peshave të rënda’
Plas skandali, Kuvendi i Shqipërisë vihet nën akuzë për votimin pa kuorum të ligjit për Investimet Strategjike, ja si u shkallmua Kushtetuta nga mazhoranca, zbardhet mashtrimi
Pasuria e dyshimtë e “sheikut” të Kuvendit Laert Duraj që sfidon “ujqërit” e vjetër në politikë, banesë 200 mijë euro, 11 llogari bankare, fitime marramendëse nga qeratë, 180 mijë euro shitje pasurish, si i ka justifikuar milionat nga puna si emigrant,...
Ja pazaret e PS dhe Rithemelimit, si po mbrojnë korrupsionin e Klodian Allajbeut dhe Vilma Nushit, vjedhjet me “Hemodializën”, “Check Up”-in, “Laboratorët” dhe “Sterilizimin” janë të faktuara, priten arrestimet nga SPAK
“Sofascore” vlerëson legjionarët kuqezi, Bajrami del “shkëlqyer”, notë e lartë edhe për Hysajn e Strakoshën
Shkruar nga Adriatik BALLA 25 Janar 2022
Lojtarët e përfaqësueses po bëjnë një paraqitje të mirë me skuadrat e tyre në Europë, madje shpesh duke qenë protagonistë me asiste e gola dhe me lojë cilësore, duke marrë kështu vlerësim cilësor në shtypin sportiv. Në fundjavën që lamë pas, disa prej lojtarëve kuqezi u paraqitën mjaft mirë, aq sa zunë faqet e para të shtypit sportiv në Itali dhe më gjerë. Por padyshim që goli i Nedim Bajramit do të mbahet mend për cilësinë e ekzekutimit dhe natyrisht një gol që doli nga një përpunim klasi prej lojtarit shqiptar. Bajrami fitoi kështu një notë aq të lartë sa u zgjodh shqiptari më i suksesshëm në futbollin europian në javën e kaluar. Edhe futbollistët e tjerë bënë paraqitje të mira, por mesfushori kuqezi tregoi klas në veprime, klasi në organizim, si dhe klas në realizim. Në fundjavën që lamë pas shkëlqyen edhe lojtarë të tjerë të Kombëtares, si Strakosha në portën e Lacios e po me këtë ekip luajti shumë mirë e mori vlerësim të lartë edhe mbrojtësi Elseid Hysaj, mbrojtësi i Atalantës Berat Gjimshiti e jashtë Italisë lojtarë si Gjasula, Broja etj.
Vlerësimet nga “Sofascore” për lojtarët shqiptarë
Vlerësimin pozitiv për lojtarët e Kombëtares e kanë dhënë media sportive serioze në Itali dhe më tej. Kështu, faqja e mirënjohur e statistikave “Sofa Score” ka publikuar vlerësimet e legjionarëve për këtë fundjavë. I pari në këtë klasifikim është mesfushori i Kombëtares shqiptare, Nedim Bajrami, i cili vlerësohet me notën 7,9 pas një paraqitjeje fantastike me gol ndaj Romës së Zhoze Murinjos. I dyti është mbrojtësi i Kombëtares, Elseid Hysaj, i cili vlerësohet me notën 7,3, nga ku është paraqitur në mënyrë pozitive në ndeshjen ndaj Atalantës. I treti klasifikohet Thomas Strakosha, i cili vlerësohet me notën 7,3, nga ku e ka ruajtur portën e paprekur përgjatë gjithë 90-minutëshit ndaj Atalantës. I katërti renditet mesfushori i Kombëtares shqiptare, Klaus Gjasula, i cili vlerësohet me notën 7,3, nga ku ka kryer një paraqitje dinjitoze me Darmshtadin e tij ndaj Ingolshtadit në Ligën e dytë gjermane. I pesti në këtë klasifikim renditet Berat Gjimshiti, i cili vlerësohet me notën 7,1, ku është dalluar me paraqitjen pozitive ndaj Lacios.
Broja, lojtar mbi nivelin e të tjerëve
Armand Broja po bën sezon fantastik me Sauthemptonin në Premier League. Lojtari shqiptar ka shënuar 5 gola në kampionatin elitar anglez por më shumë se rrjetat e shënuara është loja e tij që bind dhe këtë e kanë evidentuar jo vetëm mediat sportive britanike, por performancën e Brojës e ka përshëndetur edhe vetë trajneri Pep Guardiola i Mançester Sitit. Djaloshi nga Shkodra i lindur e rritur në Angli po rritet në fushën e gjelbërt dhe është një e ardhme e madhe e përfaqësueses kuqezi. që tani ai është një lojtar mbi nivelin e të tjerëve. Në përfaqësuese ai është ftuar, bëri ata dy gola me vlerë kundër Hungarisë në eliminatoret e Botërorit “Katar-2022”, e tani po bëhet gati për dy sfidat miqësore të marsit kundër Spanjës dhe Gjeorgjisë. Lojtari pret një shans më shumë si titullar nga trajneri Edi Reja.