Sulmuesi/ Reali gati të sakrifikojë Vinicius për Kilian Mbape

Merkato e dimrit po mbyllet, por në Spanjë po mendojnë që tani për atë të verës. Reali i Madridit ende nuk ka hequr dorë nga transferimi i sulmuesit francez, Kilian Mbape, raporton “Marca” të enjten. Tek ekipi spanjoll po planifikojnë transferimin e Mbapes nga Paris San Zhermen në fund të këtij sezoni. Madje, thuhet se Reali tashmë ka bërë ofertën për ta bindur Parisin që ta lirojë Mbapenë. Për kartonin e Mbapes, Reali është i gatshëm ta ofrojë në shkëmbim brazilianin Vinicius Junior plus para për sulmuesin francez. Viniciusi pëlqehet shumë nga Parisi dhe gjasat janë të mëdha që kjo marrëveshje mes klubeve të finalizohet në verë. Si Mbape ashtu edhe Viniciusi kanë kontrata të konsoliduara deri në verën e vitit të ardhshëm. Mbape 24-vjeçar ka 25 gola këtë sezon për Paris SG, ndërsa Viniciusi në 27 ndeshje të luajtura për Realin ka realizuar 11 gola dhe ka kompletuar 5 asistime.