BREAKING NEWS

Shqipëria nuk gjen qetësi / Plas arma në Elbasan, ekzekutohet një person në makinë

Shqipëria nuk gjen qetësi / Plas arma në Elbasan, ekzekutohet
x

Sport

Superliga Europiane, Infantino i prerë: Kush i bashkohet mbetet jashtë garave zyrtare

Superliga Europiane, Infantino i prerë: Kush i bashkohet mbetet jashtë

Superliga Europiane e krijuar me iniciativën e 12 klubeve elitare europiane, po shkakton “tërmet” në futbollin botëror e në radhët e tifozëve dhe dashamirësve të sportit. Kemi të bëjmë me një lëvizje që h4edh në erë UEFA-n dhe FIFA-n dhe marshet e futbollit pas krijimit të saj i marrin presidentët e klubeve. Ndërkohë, Xhani Infantino me qëndrim të qartë kundër krijimit të Superligës së Europës. I ftuar në Kongresin e UEFA-s, numri 1 i FIFA-s deklaroi qëndrimi i klubeve të mëdha është dalje nga sistemi. “Dje lexova fjalë të tmerrshme si luftë dhe krim, madje edhe më të tmerrshme nëse lidhen me futbollin, loja që të gjithë e duam dhe që duhet të sjellë gëzim për të gjithë. Dua të jem jashtëzakonisht i qartë për Superligën. FIFA është ndërtuar mbi vlera të caktuara, vlerat e vërteta të sportit. Është e bazuar në statutet tona, të cilat parashikojnë piramidën. FIFA nuk mund ta pranojë Superligën, është një dyqan i mbyllur, një arratisje nga institucionet, ligat dhe shoqatat aktuale. Është jashtë sistemit. Nuk kemi dyshime, FIFA nuk e miraton”, nënvizoi ai. Në vijim të qëndrimit të tij, Infantino shpreh mbështetjen e plotë ndaj UEFA-s. “Jam këtu për t’u dhënë mbështetje të plotë futbollit europian, UEFA-s, 55 federatave, ligave, klubeve, lojtarëve dhe tifozëve. Kam qenë pjesë e UEFA-s për një kohë të gjatë, kam punuar shumë për të mbrojtur parimet dhe vlerat që kanë çuar në suksesin e modelit sportiv europian. Është një model i provuar dhe i suksesshëm. Nëse i shikojmë të gjitha këto, ka shumë arsye për t’i thënë jo një loje financiare afatshkurtër. Njerëzit duhet të reflektojnë mbi veprimet e tyre dhe pasojat e tyre. Ata duhet të mendojnë për të gjithë aksionarët e tyre, por edhe për të gjithë tifozët. Futbolli u krijua nga njerëz të pasionuar dhe të përkushtuar. Është detyra jonë të mbrojmë modelin sportiv europian, kampionatet dhe ekipet kombëtare”, shtoi më tej kreu i federatës botërore të futbollit. Infantino më pas këshillon klubet që kanë vendosur t’i japin jetë Superligës, duke nënvizuar se pasoja të rënda do të ketë për klubet dhe federatat e atyre vendeve që pranojnë të bëjnë kompromis me të ashtuquajturën Superliga Europiane. “Nëse disa vendosin të ndjekin rrugën e tyre, duhet të pranojnë pasojat. Janë përgjegjës për zgjedhjet e tyre. Në terma konkrete, kjo do të thotë brenda ose jashtë. Nuk mund të qëndrojnë në gjysmë të rrugës. FIFA është e hapur, të gjithë mund të sjellin ide dhe propozime, ato vlerësohen gjithmonë. Por ne duhet t’i respektojmë institucionet. E kuptoj që pandemia ka përkeqësuar situatën, por futbolli bazohet në shpresë. Dhe unë shpresoj që gjithçka të kthehet në normalitet. Por gjithmonë me respekt dhe duke vepruar me përgjegjësi, me solidaritet, në interes të futbollit kombëtar, europian dhe botëror”, shtoi në fund Infantino.