Surpriza/ LeBron Xhejms pranë rekordit historik të pikëve në NBA

Një nga basketbollistët më të mirë të epokës tonë, është LeBron Xhejms, i cili mund të hyjë brenda pak ditësh në historinë e këtij sporti, si një prej pikashënuesve më të mëdhenj në historinë e lojës, praktikisht pikashënuesi më i mirë. Kështu, LeBron Xhejms ka realizuar 27 pikë të shtunën mbrëma në humbjen 131:126 që LA Lejkërs e pësoi nga Nju Orlins Pelikansi. Xhejmsit 38-vjeçar i duhen vetëm edhe 36 pikë për të thyer rekordin e pikëve të shënuara në stinor të rregullt në NBA, të cilin e mban Karim Abdul-Xhabar. Karim Abdul-Xhabar gjatë karrierës kishte shënuar 38.387 pikë dhe rekordi qëndron për afro 39 vjet. Mirëpo, Xhejms po i afrohet këtij rekordi. Ai i ka 38 mijë e 352 pikë të realizuara. Ai ka gjasa ta thyejë qysh të martën, në ndeshjen kundër Oklahoma Siti Thunderit apo të enjten kundër Miluoki Bakit. Të dyja këto ndeshje Lejkërs i luan në transfertë.