BREAKING NEWS

Zbardhen 36 provat e PS kundër Ilir Metës, më 20 korrik raporti për shkarkimin e presidentit shkon për votim në seancë plenare, ja detajet

Zbardhen 36 provat e PS kundër Ilir Metës, më 20 korrik raporti
x

Sport

Të gjithë kundër Ronaldos, Kapelo: Ka 3 vjet që nuk driblon një kundërshtar

Të gjithë kundër Ronaldos, Kapelo: Ka 3 vjet që nuk driblon

Kristiano Ronaldo nuk është më ai i mëparshmi, të paktën jo në Torino dhe me fanellën e Juventusit. Ky është edicioni i dytë në Serie A dhe duket larg shifrave dhe rekordeve që ai ka pasur me Mançester Junajtid e sidomos me Realin e Madridit që ka shënuar dhe kulmin e karrierës së tij. ndaj tij kanë plasur kritikat nga të gjitha anët, madje dhe nga personalitetet e futbollit e nga teknikët më të mirë të futbollit italian. Zëvendësimi në ndeshjen ndaj Milanit që në mesin e pjesës së dytë, si dhe forma jo bindëse e tij në ndeshjet e fundit, tregojnë shenja krize për portugezin. Kështu, ish-trajneri i mirënjohur italian Fabio Kapelo, i cili gjatë karrierës së tij ka drejtuar Milanin, Juventusin, Realin e Madridit dhe kombëtaren angleze, ka reaguar ashpër mbrëmjen e djeshme ndaj Kristiano Ronaldos. Gjithçka erdhi gjatë komentit të veprimit të yllit portugez, që u zëvendësua nga Sarri në minutën e 55-të të ndeshjes Juventus-Milan, por reagoi ashpër duke ikur direkt në dhomat e zhveshjes dhe më pas la stadiumin para se të përfundonte takimi. “Është i pakuptimtë ai reagim i tij pas zëvendësimit. E bëri në mesjavë ndaj Lokomotivës dhe e përsëriti sërish kur u zëvendësua ndaj Milanit. Ronaldo duhet të mendohet mirë para se të reagojë, pasi mund të krijojë precedentë të gabuar te Juve. Në këtë rast jam në krah të Sarrit, pasi zëvendësimi i portugezit ka sjellë rezultat. Dagllas Kosta e zëvendësoi në Rusi dhe shënoi golin e fitores, ndërsa të njëjtën gjë bëri edhe Dibala ndaj Milanit. Ronaldo duhet të kërkojë problemin te vetja, pasi ka 3 vite që nuk driblon një kundërshtar”, deklaroi Kapelo. Ndërkohë, si për ironi të fatit, rivali i Ronaldos në sulmin juventin, Gonzales Higuain, ka marrë ftesë nga Juventusi që të rinovojë kontratën, një shenjë që tregon se trajneri Mauricio Sarri e ka të qartë grupin e lojtarëve të dëshiruar dhe Ronaldo, me këtë lëvizje, merr një tjetër “shuplakë”, pasi nuk shihet si sulmuesi i parë i pazëvendësueshëm, përkundrazi, është futbollist i zakonshëm i “Zonjës së Vjetër” dhe ai ka nisur ta kuptojë këtë mjaft qartë dhe si një formë presioni. Kështu, sulmuesi argjentinas e ka bindur trajnerin Maurizio Sarri me paraqitjet e tij këtë sezon me “Bianconeri”. Prandaj, kampioni italian e ka përgatitur një kontratë të re për sulmuesin argjentinas. Drejtori sportiv i “Zonjës së Vjetër”, Fabio Paratiçi, ka konfirmuar se argjentinasi do të qëndrojë në Torino edhe për ca kohë. “Ai është një djalosh i dashur dhe lojtar i madh. Ne jemi të lumtur që e kemi këtu”, ka thënë Paratiçi për “Sky Sports Italia”. Sezonin që shkoi, Higuain e kishte kaluar në formë huazimi tek Milani dhe Çelsi. Gjatë verës flitej për një largim të tij nga Torino, por në fund Sarri vendosi ta mbante dhe po i beson shumë atij. Duke zëvendësuar Ronaldon dje dhe duke lënë në fushë Higuainin, që i shtoi pas largimit të Ronaldos edhe Dibalanë (dy argjentinas), ai ia doli të fitojë duelin me Milanin. 

Adriatik BALLA