Tekniku/ Guardiola trajner spektakli, ka fiksuar 3 ndeshje me rezultat 7-0

Mançester Siti mundi mbrëmjen e dy ditëve më parë në 1/8 e finales së Champions Leipzigun me rezultatin 7-0, një rezultat që ishte sensacional jo vetëm për nivelin e aktivitetit dhe fazën e garës, por edhe për shifrat mjaft të thella në tërësi e për rekordet e shumta që pasuan rezultatin. Në fakt, për të tretën herë radhazi, një skuadër e drejtuar nga Pep Guardiola e merr një fitore të thellë në fazën eliminuese direkte të Ligës së Kampionëve. Mançester Siti fitoi bindshëm, pastër dhe natyrisht trajneri ndihet mirë. Kjo i kishte ndodhur edhe në vitin 2015 kur ishte trajner i Bajern Munihut pasi e kishte mposhtur Shakhtar Donetskun me rezultat identik, njëjtë si Shalken më 2019. Veç në vitin 2012 nuk ka hyrë në këtë statistikë, kur Bajerni drejtohej nga Jup Hejnkes. Pra, tekniku Pep Guardiola është bërë sinonim i spektaklit dhe i fitoreve të thella.