Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Tirana bie në kryeqytet, Kukësi fiton dhe ruan të paprekur vendin e dytë

Postuar: 21/04/2019 - 07:52

Java e 30-të e kampionatit, Kategoria Superiore, nuk pati ndonjë surprizë të mirëfilltë, por mund të thuhet me plot gojën që prodhoi rezultate që dëmtojnë objektivat e Tiranës, e cila sot pësoi disfatë në kryeqytet përballë Kukësit, i cili fitoi 2-0 dhe ruajti jo vetëm vendin e dytë, por tani ka nisur të mendojë t’i bëjë sërish presion Partizanit për kreun. Një duel direkt mes tyre këtë fazë të katërt, disa përplasje me rivalë shumë të fortë si Flamurtari e Tirana apo dhe ndonjë tjetër, mund t’i sjellin ekipit të Skënder Gegës dhimbje koke. Për sa kohë këtë gjë e pranon dhe trajneri Ernest Gjoka, duke besuar rivalitetin deri në fund, atëherë pse të mos shpresohet për surpriza të orës së fundit? Gjithsesi, disfata e Tiranës është me pasoja, pasi Kastrioti është vetëm 5 pikë larg dhe kur mendon se krutanët kanë dhe një duel në tavolinë me Kamzën, gjërat bëhen serioze për mbijetesën dhe Tirana ka nisur të kuptojë se aleancat dhe konjukturat në kampionat po sjellin tronditje. Këtë konjukturë dhe këtë “film” e kishte kapur prej ditësh trajnerit Ardian Mema, i cili kujtoi se rivalët (këtu ishte fjala për Kastriotin dhe Luftëtarin si rivalë mbijetese) po merrnin pikët me lehtësi në duelet e tyre. Një deklaratë që nuk kaloi pa bërë bujë, por siç ndodh në Shqipëri, çudia më e madhe tri ditë zgjat. Pikërisht, disfata e sotme në kryeqytet dhe kalendari i vështirë mund të minojnë objektivat e Tiranës për mbijetesë. Sidoqoftë, bardheblutë e kanë vetë në dorë fatin e tyre, pasi janë dhe shumë ndeshje në dispozicion dhe mund të rikuperohen pikët. Sa i takon ndeshjes së djeshme në “Selman Stërmasi”, duhet pranuar se Tirana ka “harruar” si fitohet përballë Kukësit në, pasi edhe dje në një ndeshje mjaft të rëndësishme për fatin e sezonit, u mposht nga verilindorët me rezultatin 0-2. Bardheblutë e Memës e nisën mjaft mirë takimin, duke krijuar disa mundësi shënimi, të cilat u shpërdoruan nga futbollistët, ndërsa Kukësi zhbllokoi rezultatin pas një kundërsulmi të shpejtë, me anë të sulmuesit Vasil Shkurtaj. Tirana u përpoq të reagojë, por një herë traversa dhe 4-5 herë të tjera portieri Stivi Frashëri, u mohuan golin kryeqytetasve, ndërsa në minutat shtesë, Shkurtaj shënoi edhe golin e dytë për Kukësin. Me këtë fitore, verilindorët provojnë të ringjallin shpresat për titullin kampion, ndonëse Partizani ka plot 10 pikë më tepër, ndërsa Tirana komplikon edhe më shumë mbijetesën, tani që Kastrioti është vetëm 5 pikë mbrapa. Ndërkohë, në Vlorë u luajt dje në mbrëmje një tjetëre duel i rëndësishëm për fatet e mbijetesës. Luftëtari ia doli dhe këtë herë të marrë pikë të rëndësishme për mbijetesën dhe e bën këtë nga stadiumi i Vlorës, aty ku gjatë javëve të fundit kanë dalë të gjithë të mundur. Kështu, Luftëtari arriti të marrë një barazim 1-1 në transfertën vlonjate përballë Flamurtarit, duke shtuar edhe një pikë në tabelën e renditjes, mjaft e vlefshme sa i përket misionit të mbijetesës. Në stadiumin “Flamurtari” u zhvillua një 90-minutësh spektakolar, me vlonjatët që kaluan të parët në avantazh, pas një goli të shënuar nga sulmuesi Andi Ribaj, në fillim të pjesës së dytë. Megjithatë, gjirokastritët e Ahmatajt nuk u dorëzuan dhe arritën të rikthejnë baraspeshën në minutën e 89-të, me anë të sulmuesit Realdo Fili, duke u kthyer në shtëpi me një pikë më shumë në renditje. Tani Luftëtari ka 38 pikë, dy më shumë se Tirana, por 7 më shumë se kastrioti dhe është pikërisht kjo renditje që e vë Tiranën nën presionin e krutanëve. Habia mb i të gjitha është se në ndeshjet e 10 javëve të fundit, Kastrioti dhe Luftëtari kanë marrë më shumë pikë sesa Partizani kryesues, një “anomali” shqiptare që e gjen shpjegimin në marrëzitë konjukturale që ndodhin në kampionatin shqiptar. Sidoqoftë, në fund vlen renditja dhe Tiranës i duhen shumë pikë për të siguruar pa probleme mbijetesën./ Adriatik BALLA

 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 21/08/2019 - 08:59

Merkato në top-ligat europiane të futbollit po shkon drejt fundit dhe klubet e mëdha po nxitojnë të bëjnë blerjet e tyre të dëshiruara për të mbajtur profil të lartë pretendimi në kampionatet respektive.

Postuar: 21/08/2019 - 08:57

Kukësi e humbi Superkupën përballë Partizanit, një trofe që shënoi start me sukses për “dem

Postuar: 21/08/2019 - 08:54

Një nga emrat e lojtarëve që janë lakuar shumë në media është padyshim ai i sulmuesit Kristal Aba

Postuar: 20/08/2019 - 23:23

Emri i tij ka dominuar të gjithë merkaton e verës dhe pikërisht kur ndodhet në kulmin e tratativa

Postuar: 20/08/2019 - 17:30

Ylli portugez, Cristiano Ronaldo, mungoi në dy ndeshje miqësore të Juventusit për shkak të proble

Postuar: 20/08/2019 - 07:28

Merkato e kësaj vere nuk ka prodhuar ndonjë surprizë ekstra, siç ishte, fjala vjen, ajo e Nejmari

Postuar: 20/08/2019 - 07:27

Partizani e fitoi Superkupën e Shqipërisë dhe lumturoi veten, stafin teknik e drejtues dhe tifozë