BREAKING NEWS

Si u fal Porti i Durrësit me negociata sekrete, ja rregullat që janë shkelur në marrëveshjen e fshehtë të qeverisë me arabët

Si u fal Porti i Durrësit me negociata sekrete, ja rregullat që
x
BREAKING NEWS

Pas publikimit të dosjes, Sali Berisha konfirmon moskandidimin e Ilir Metës për kryetar të Bashkisë të Tiranës, pasi është spiun i ish-Sigurimit të Shtetit

Pas publikimit të dosjes, Sali Berisha konfirmon moskandidimin e Ilir
x
BREAKING NEWS

Shqipëria dorëzon zyrtarisht rezolutën kundër raportit të Dick Martyt për krime nga UÇK, e cilëson të pabazë dhe kërkon të hartohet një i ri, tërbohen serbët

Shqipëria dorëzon zyrtarisht rezolutën kundër raportit
x
BREAKING NEWS

Përmbyset gjithçka, Vladimir Putin merr goditjen më të madhe që nga fillimi i luftës në Ukrainë, Kievi po tenton të marrë Krimenë

Përmbyset gjithçka, Vladimir Putin merr goditjen më të
x
BREAKING NEWS

Zbardhet skema, ja sa do të rriten pensionet për të moshuarit, kategoritë që përfitojnë dhe fondet e vëna në dispozicion nga buxheti

Zbardhet skema, ja sa do të rriten pensionet për të moshuarit,
x
BREAKING NEWS

Vuçiç refuzon emërtimin “Putin i vogël” mes frikës së ndërhyrjes ruse, analiza e “New York Times”: A po e përdor Kremlini Serbinë për të nxitur luftën në Ballkan?

Vuçiç refuzon emërtimin “Putin i vogël” mes
x
BREAKING NEWS

Eksperti i ekonomisë jep alarmin: Kompania arabe do të jetë aksioneri i mazhorancës, ja pazari i Portit të Durrësit që qeveria nuk na e tregon

Eksperti i ekonomisë jep alarmin: Kompania arabe do të jetë
x
BREAKING NEWS

Dështon skenari rus për konflikt të armatosur në rajon, si po shkon drejt paqes situata mes Beogradit dhe Prishtinës, ja lëvizja e ndërkombëtarëve për t’i shkatërruar planin Vuçiçit

Dështon skenari rus për konflikt të armatosur në rajon, si
x

Sport

Tirana humb duelin e parë me Dudelanzh, shpresë për përmbysje në kthim

Tirana humb duelin e parë me Dudelanzh, shpresë për

Tirana nuk ia doli të marrë rezultat pozitiv në ndeshjen e parë të luajtur ndaj Dudelanzh në turin e parë paraeliminator të Ligës së Kampioneve, duke u mundur nga luksemburgasit 1-0 dhe duke vënë në pikëpyetje e në shkallë të lartë vështirësie objektivin e kalimit të turit. Në fakt, pritej një lojë e mirë e Tiranës dhe rezultat i mirë i saj, nisur nga ajo që kishin deklaruar stafi e lojtarët në media, por në fushë ndodhi e kundërta, pasi Tirana nuk tregoi ndonjë gjë të madhe në këtë takim, madje i shkoi për shtat kundërshtarit që bën lojë mbrojtëse dhe godet në kundërsulm, duke qenë një skuadër praktike. Pra bardheblutë zhgënjyen dhe për pasojë humbën, por kanë ende shans të rikthehen në lojë e në vallen e kualifikimit, pasi ndeshja e kthimit do të luhet në stadiumin “Air Albania” të Tiranës një javë më vonë.

Limaj gabon dhe Tirana ndëshkohet

Sfida nisi me ritëm të ulët, teksa rastet në pjesën e parë ishin shumë të pakta, me vendasit që patën më shumë iniciativë, duke gjetur tre herë kuadratin e Visar Bekajt dhe Tiranën, që priste, në mënyrë që të mund të godiste në kundërsulm. Edhe pjesa e dytë nisi me një rast të rrezikshëm të vendasve, ndërsa në minutën e 53-të Xhixha pati një mundësi të artë për t’u dhënë avantazhin bardhebluve, por nuk u koordinua saktë dhe gjuajti jashtë. Në minutën e 54-t Tirana mori një “asist” nga Kirch, që bëri një ndërhyrje të ashpër ndaj Totres dhe u ndëshkua me kartonin e dytë të verdhë, duke lënë Dudelange me 10 futbollistë, kur kishte më shumë se 35 minuta lojë ende. Megjithatë, bardheblutë nuk e shfrytëzuan aspak epërsinë numerike, teksa më pas u “tradhtuan” edhe nga Vesel Limaj, që bëri dy faulle për tre minuta dhe mori dy kartonë të verdhë, duke lënë fushën e lojës. Me forca të barabarta, ishin sërish vendasit që morën iniciativën dhe në minutën e 71-të u shpërblyen, ku Hasan bëri një gjuajtje me kokë, duke gjetur fillimisht shtyllën e më pas rrjetën e portës së Visar Bekajt. Pra Dudelanzhi fitoi 1-0 duelin e parë në Champions me Tiranën tonë, por bardheblutë do të kenë një shans në takimin e kthimit, një sfidë që duhet fituar me diferencë prej dy golash që të sigurohet kalimi i turit.

Drita e Kosovës humbet me Inter Turku të Finlandës

Me të njëjtin rezultat 1-0 humbi dje edhe Drita e Kosovës, që u mposht nga Inter Turku e Finlandës, në fushën e kësaj të fundit. Mbrojtësi i krahut të majtë, Jusi Niska, shënoi golin e vetëm për Inter Turkun. Ai realizoi në minutën e 77-të me goditje me kokë nga afërsia. Goditja e dënimit prej të cilës u bë goli u shkaktua nga mbrojtësi i krahut të majtë, Ilir Blakçori. Ai u ndëshkua me kartonin e dytë të verdhë dhe u përjashtua. Kjo ndodhi në minutën e 74-t. Drita ka dominuar në fushë dhe ka krijuar më shumë raste, por nuk realizoi dot. Blend Baftiu ishte në rast të mirë në fillim të ndeshjes, por nuk konkretizoi. Në pjesën e dytë, Besnik Krasniqi pati rast në të 58’, por u bllokua. Më pas ishte Baftiu që shpërdoroi me gjuajtje jashtë në të 66’. I njëjti gaboi edhe në minutën e 86-të. Ndeshja e kthimit luhet në “Fadil Vokrri” më 12 korrik.