Trajneri 'kërcënon' hapur dhëndrin: Nuk e shkel më fushën nëse e bën më këtë gjë

Dihet tashmë prej kohësh që Ferran Torres është në një lidhje dashurie me vajzën e Luis Erinques. Lojtari i Barçës ishte autor i dy golave në fitoren 7-0 ndaj Kosta Rikës duke qenë një nga lojtarët më të mirë në fushën e lojës.

Por këto nuk i kanë mjaftuar trajnerit të “La Roja”, teksa kë “kërcënuar” dhëndrin e tij se do e nxjerrë nga fusha e lojës, madje nga stadiumi nëse feston duke bërë shenjen e biberonit duke iu referuar një shtatzënie të mundshme të partneres së tij.

 “Nëse shënon, unë gëzohem, por nëse bën gjestin e biberonit, unë e zëvendësoj menjëherë, e dërgoj në tribunë dhe ai nuk shkel më këmbë në stadium apo fushë. Nuk po bëj aspak shaka!“, deklaroi duke qeshur Enrique, i cili synon të arrijë në finalen e madhe të 18 dhjetorit me Spanjën e tij.