Trajneri/ Zidane do të kthehet në pankinë, këtë herë në Itali

Merkato për lojtarët po jep pak fryte deri tani, por lëvizje interesante nga disa klube edhe ka patur. Ndërkohë, ka dhe lëvizje trajnerësh që ngjallin interes. Kështu, thashethemet e reja po dalin në lidhje me të ardhmen e Zidane. Ish-tekniku i Real Madrid është gati të nisë një aventurë të re si trajner. Lionel Charbonier, miku dhe shok i vjetër i Zidane në kombëtare, ndërhyri në këtë çështje duke shfaqur indicie në lidhje me të ardhmen e tij. “Ai nuk do të shkojë në Angli, por në Itali, ku ka një lidhje të veçantë me Juventusin. Ai do të shkojë te Juve ose do të ulet në stolin e një ekipi kombëtar. Brazilianët do të ishin shumë të lumtur të kishin një trajner si ai, i cili dëshiron të lërë gjurmë në futboll. Në fakt, brazilianët mendojnë se Zidane është më shumë brazilian se francez. Në Angli, megjithatë, nuk e shoh, ai nuk flet as anglisht”, tha miku i tij.