Tronditet futbolli! Ndahet nga jeta trajneri legjendar

Ish-futbollisti dhe trajneri legjendar kroat, Zlatko Cico Kranjçar, ka ndërruar jetë ditën e sotme në moshën 65-vjeçare.

Gjatë karrierës së tij, ai ka drejtuar skuadra të njohura si Dinamo Zagrebi, Rijeka, Al Ahli dhe Sepahan në Iran. Pikërisht te këta të fundit, Kranjçar, do të mbahet mend për një episod shumë të veçantë. Me Sepahan në 2017-2018, është aktivizuar edhe sulmuesi shkodran Xhevair Sukaj.

Ky i fundit u bë protagonist gjatë ndeshjes me Al Naserin, teksa kur të dyja skuadrat kishin ndaluar për dëmtimin e lojtarit, Sukaj merr topin dhe niset drejt portës kundërshtare, duke fituar penallti. Pas kësaj, trajneri Kranjçar u shfaq shumë i mërzitur dhe për këtë i kërkoi lojtarit të tij të mos e shënonte penalltinë.

Kroati prej kohësh vuante nga një sëmundje e rëndë dhe ishte i shtruar në një spital të Zagrebit, teksa ditën e sotme i ka mbyllur sytë përgjithmonë.